Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Rob Wainwright: “Bullgaria është një partner shumë i rëndësishëm regjional i Europolit në luftimin e kriminalitetit të organizuar”

“Vetëm gjatë vitit të fundit Bullgaria dhe Europoli iniciuan së bashku mbi 150 operacione kundër kriminalitetit të organizuar dhe personave kriminalë” – saktësoi Rob Wainwright.
Foto: www.europa.eu
“Bullgaria është një partner shumë i rëndësishëm regjional i Europolit në luftimin e kriminalitetit të organizuar”. Ky ishte vlerësimi kategorik i drejtorit të Shërbimit policor evropian Rob Wainwright pas takimit të tij në Sofje me zëvendëskryeministrin bullgar dhe ministër i punëve të brendshme Cvetan Cvetanov, me ftesë të të cilit ai vizitoi Bullgarinë. Nga data 1 janar i vitit 2010 Europol është një agjenci pranë Komisionit Evropian, e cila koordinon punën e shërbimeve policore të vendeve anëtare të BE-së kundër kriminalitetit transkufitar dhe terrorizmit. Në takimin me ministrin e brendshëm bullgar Rob Wainwright ka diskutuar hetime rrjedhëse kundër grupeve të organizuara kriminale për trafikim njerëzish dhe narkotikësh, migracion ilegal dhe larje të parave të pista. Sipas fjalëve të tij Bullgaria ka një kontribut të madh në luftimin e kriminalitetit të organizuar në Ballkan dhe në Evropë. Shembulli i fundit nga përpara disa ditësh është operacioni i përbashkët policor me emrin kodues “Ortek”. Gjatë këtij operacioni në territorin e Polonisë, Gjermanisë dhe Bullgarisë u arrestua një grup i organizuar kriminal me mbi 10 figura kyçe, i cili ka vjedhur me anë të skrining pajisjeve rreth 1 milionë euro nga llogari bankare të shtetasve nga tërë BE-ja.

“Vetëm gjatë vitit të fundit Bullgaria dhe Europoli iniciuan së bashku mbi 150 operacione kundër kriminalitetit të organizuar dhe personave kriminalë – saktësoi Rob Wainwright. – Ky është një aktivitet me 100 për qind më i lartë i shërbimeve bullgare në krahasim me vitin e kaluar. Rezultati është: arrestime të figurave kryesore nga bota e krimit të organizuar, kapje narkotikësh ilegalë dhe grupesh kriminale, të cilat janë marrë me skrining operacione – ilustroi Rob Wainwright. Ai rikujtoi se raporti i fundit i Komisionit Evropian për përparimin e vendit në kuadrin e Mekanizmit për bashkëpunim dhe kontroll vlerëson në mënyrë pozitive vendosmërinë dhe vullnetin e fuqishëm të qeverisë bullgare për të përballuar problemin e kriminalitetit të organizuar, por shënoi se duhen akoma përpjekje kundër kriminalitetit dhe korrupsionit, si dhe reforma në sistemin gjyqësor. – Por unë jam këtu, që të ripohoj kategorikisht se komuniteti policor evropian e përkrah seriozisht Bullgarinë në përpjekjet e vendit kundër krimit të organizuar” – deklaroi shefi i Europolit.

Kriminaliteti i organizuar sot është një problem global. Trafikimi i narkotikëve ose mashtrimet me përmasa të mëdha për shembull, shënoi gjithashtu Rob Wainwright, u përkasin si bullgarëve, ashtu dhe qytetarëve të Gjermanisë, Francës dhe Anglisë...

“Ne shohim se në Bullgari ka grupe kriminale, në të cilat veprojnë persona me kombësi të ndryshme dhe kjo është normale. Kriminaliteti i organizuar është një problem, i cili u përket të gjitha vendeve në BE – sqaroi ai. – E rëndësishmja është se ka një vullnet të fortë politik, që të kapen grupe të tilla kriminale, të cilat përbëjnë rrezik për shoqëritë tona. Këtu, në Bullgari, kjo tashmë është fakt, në sajë të qeverisë së re. Gjatë vitit të kaluar kryedrejtoria për luftim të kriminalitetit të organizuar në Bullgari ka hetuar mbi 400 grupe kriminale, të cilat kanë qenë dhe akoma janë aktive në vend. Unë i besoj statistikës policore, që na japin nga Bullgaria” – ishte kategorik Rob Wainwright.

Për Radio Bullgarinë Rob Wainwright komentoi gjithashtu vendin dhe rolin e Bullgarisë në regjionin e Ballkanit kundër terrorizmit dhe kriminalitetit të organizuar – theksa kryesorë në veprimtarinë e Europolit.

“Kjo, që Bullgaria po bën aktualisht për modernizimin e shërbimeve të saj, vepron si një model regjional. – është i bindur ai. – Sipas meje caku i ri legjislativ për larjen e parave të pista dhe konfiskimin e pronës së marrë nga veprimtari kriminale, është shumë efektiv dhe mund të shërbejë si model i vendeve të tjera në regjion, kurse ndjekja e rrymave ilegale financiare është një element i rëndësishëm i luftimit të terrorizmit, si dhe i krimit të organizuar.”

Përgatiti në shqip: Vesella Mançeva
По публикацията работи: Tatjana Obretenova


Последвайте ни и в Google News Showcase, за да научите най-важното от деня!

Më shumë nga rubrika

Në botën magjike të "fëmijëve të Ivan Vazovit" dhe të gjuhës bullgare në Paris

“Vendi në Francë ku së bashku vizatojmë të ardhmen bullgare të fëmijëve tanë” – kështu e përshkroi Janeta Dimitrova vendin e saj të punës – Shkollën Bullgare të së Dielës “Ivan Vazov” në Paris – në një postim në një rrjet social një vit më parë. Është..

botuar më 25-02-21 7.30.PD

Personaliteti i Vasill Levskit vazhdon të lidhë bashkatdhetarët tanë jashtë vendit

152 vjet pasi Bullgaria humbi birin e saj të dashur, luftëtar për një shtet të lirë, të pavarur dhe tolerant - Vasill Levski, personaliteti i tij vazhdon të emocionojë dhe të frymëzojë zemrat e bullgarëve të të gjitha brezave. Historianët vazhdojnë të..

botuar më 25-02-19 5.10.MD
Kirill Vëllçev

BTA prezanton një font unik me rastin e përvjetorit të saj

Më 16 shkurt 2025 bëhen 127 vjet nga botimi i buletinit të parë të Agjencisë Telegrafike Bullgare (BTA), të nënshkruar nga drejtori i parë i saj Oskar Iskander. Agjencia u krijua në vitin 1898 me një dekret të Princit Ferdinand I, i modeluar sipas Agjencisë..

botuar më 25-02-16 7.55.PD