Punësimi sezonal do ta ulë papunësinë

botuar më 12-04-17 8.23.PD

Gjatë verës kërkohen punonjës në sferën e ndërtimit.

Foto: BGNES

Kriza dhe dimri i rëndë u bënë shkak për rritjen e numrit të të papunëve në tregun e punës. Në fakt papunësia në tërë Evropën arriti përqindje të larta. Një mundësi e mirë për uljen e papunësisë është vera, që po vjen dhe puna sezonale. Edhe pse vetëm për disa muaj, do të hapen vende pune në turizëm, bujqësi dhe në industrinë e konservave.

Sipas Eurostat numri i të papunëve në Bullgari gjatë muajit shkurt është 12,4 për qind e popullsisë së aftë për punë. Mirëpo më të ndryshme janë të dhënat e shpallura nga Agjencia e Punësimit, sipas së cilës papunësia lëvizet rreth 11,5 për qind. Shkaku për këtë dallim është se merren parasysh vetëm të regjistruarit në Byrotë e Punës, kurse Eurostat merr parasysh edhe të liruarit nga puna, të cilët kërkojnë vetë realizim në tregun e punës. Gjithsej në BE pa punë gjatë muajit shkurt kanë qenë mbi 24 milionë evropianë. Te ne gjatë muajit të dytë të vitit të regjistruarit në Byrotë e punës janë 376 veta. Vetëm të porsaregjistruarit gjatë shkurtit janë pothuaj 36 mijë veta. Ata janë kryesisht në degën e tregtisë, industrisë përpunuese, administratës. Papunësia ndër të rinjtë është problem për tërë BE-në, jo vetëm për Bullgarinë, sepse në fakt ajo arrin 30 për qind.

Praktika evropiane e takimit direkt midis punëdhënësve dhe punonjësve po përhapet edhe te ne. Kjo është një prej mënyrave për t’u siguruar punë të paktën disa njerëzve të veçantë. Këtë vit tashmë ka bursa të tilla në qytetet e ndryshme të vendit. Tradicionalisht dy prej tyre, të lidhura me punësimin sezonal, u zhvilluan për herë të radhës në qytetet tona bregdetare Burgas dhe Varna. Zina Andreeva, drejtoreshë e Agjencisë së Punësimit, saktëson se në Burgas 21 punëdhënës kërkojnë për stinën verore më se 400 veta për kuzhinierë, ndihmëskuzhinier, kamerierë, banakierë, kameriere dhome, larës etj.

“Rreth 600 veta, të cilët kërkojnë punë, u takuan drejtpërsëdrejti në bursë me punëdhënësit në sferën e turizmit – vazhdon ajo. – Në Varna më 29 mars gjithashtu u zhvillua një bursë turistike, në të cilën morën pjesë 25 punëdhënës bullgarë. Ata ofruan 687 vende pune. Atje kërkohen kameriere dhome, kamerierë, kuzhinierë, kineziterapeutë, masazhierë etj. Përfaqësues të Centralit për punësim të specialistëve të huaj në Gjermani (ZAV) zhvilluan intervista me rreth 200 veta, të cilët kërkojnë punë dhe e dinë gjermanishten. Në një prej parqeve zbavitëse të Gjermanisë kërkohen banakierë, ndihmës banakierë, dhe kamerierë. Bursa e punës u vizitua gjithsej nga mbi 1000 veta, të cilët kërkojnë punë, nga bashkitë e Varnës, Aksakovos dhe Bellosllavit.”

Në bursat e punës në qytete të tjera të vendit janë shpallur vende pune në sferën e bujqësisë. Në qytetin Strallxha të Bullgarisë Jugore, një rajon me bujqësi të zhvilluar, 40 veta tashmë kanë punë të sigurt gjatë verës. Në rajonin e qytetit Tërgovishte, Bullgari Verilondore, janë angazhuar 20 veta për punë sezonale në fushën e bujqësisë. Përveç tyre kërkohen punonjës dhe në sferën e ndërtimit, rrobaqepësisë, prodhimit të tabllove elektrike për automobilat. Në gjithsej 5 bursat e punës, të cilat u zhvilluan që nga fillimi i vitit, 60 punonjës kanë deklaruar mbi 1200 vende të pazëna pune. Sipas Zina Andreevës po vëzhgohet gjallërim në sektorët e ndërtimit dhe të ekonomisë pyjore. Vetëm për ndërtimin punëdhënësit kërkojnë nëpërmjet Byrove të punës 620 veta. Gjatë disa muajve në vijim bursa pune do të zhvillohen dhe në qytete të tjera të vendit dhe do të gjejnë punë akoma të papunë. Mirëpo nuk duhet harruar se ilaçi i vërtetë kundër papunësisë është gjallërimi i ekonomisë.

Përgatiti në shqip: Vesella Mançeva

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Punësimi sezonal do ta ulë papunësinë

Më shumë nga rubrika

Bullgaria i plotëson kriteret për anëtarësim në Eurozonë

Një apartament 100 metra katorë në Bullgari kushton 199 paga mesatare

2025-ta parashikon mbijetesë të vështirë për biznesin mes paqëndrueshmërisë politike dhe sfidave të politikës së jashtme

Një apartament 100 metra katorë në Bullgari kushton 199 paga mesatare

Bullgaria i plotëson kriteret për anëtarësim në Eurozonë