“Jam shumë i lumtur, kur ndiej atë ndjenjë të pakapshme, të quajtur kënaqësi nga muzika” – thotë Petër Rallçev.

Emri i fizarmonicistit të madh prej kohe është i njohur nëpër të gjithë botën. Ka adhurues në Evropë, Shtetet e Bashkuara, Azi, kurse në Ballkan është një legjendë e vërtetë. Më shumë se 10 vjetëve punon me muzikantë me kombësi të ndryshme. Interpreton kompozicione në stilin folklorik bullgar, merr pjesë në formacione etno dhe xhaz. Një informacion për kontributin e tij mund të lexojmë në librin enciklopedik francez “Historia e fizarmonikës” (1991) nga Fransoa Billar dhe Didie Rusen. Gjatë viteve të fundit më shpesh paraqitet me “Lobi” – një xhaz sekstet, të krijuar nga bateristi Stefan Galin. Në grup është dhe pianisti armen Tigran Hamasjan – piano, perkusionisti turk Ahmet Mësërllë dhe akoma dy instrumentalit të njohur. Gjatë vitit 2014 ata morën pjesë në disa festivale të xhazit në Belgjikë, Francë dhe Algjeri.

Le të shënojmë se, përpara se të zbulojë magjinë dhe joshjen e klezmerit, Petër Rallçev me gëzim përfshin në repertorin e vet pjesa prej autori, të ndikuar nga kulturat e ndryshme. Ja dhe një nga dëshmitë për këtë: “Më e rëndësishmja është që ta duash atë që bën – thotë akoma Petër Rallçev. – Si dhe të kesh dëshirë gjithmonë të zhvillohesh dhe të përsosësh veten. Kurse në themel të të gjithave është dashuria ndaj muzikës. Duhet të jetosh me këtë. Më rastis të mos ekzekutoj me ditë, por mendimi për artin nuk më ikën dhe vazhdimisht më vijnë ide. Në moshën 5 vjeçe mësova nga xhaxhi im melodinë e parë dhe e interpretova në fizarmonikë. Pas kësaj mësove tek Kostadin Millarovi në Pazarxhik, në Shkollën Muzikore në qytetin Plovdiv... Nuk e kam menduar se mund të zgjedh një profesion tjetër. E si çdo fëmijë dikur përfytyroja se mund të bëhem një futbollist i mirë. Por gjithmonë e kam ditur se muzikën e kam pasur të paracaktuar. Kur ndien një kënaqësi nga koncerti, nga interpretimi tënd, kjo është lumturia më e madhe. Me rëndësi është të formohet një bisedë me shokët në skenë. Kurse kur e përfshin dhe publikun të reagoj mbi këtë që po rastis, ndjenja është edhe më emocionuese.”

Përgatiti në shqip: Nataniela Vasileva