Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Po realizohet strategjia për tregun unik digjital evropian

Foto: arkiv

“Komisioni Evropian do të prezantojë një strategji për krijimin e tregut unik digjital.” Këtë e deklaroi zëvendës kryetari i tij Andrus Ansip gjatë një diskutimi i kushtuar kësaj teme në Sofje. Evropianët e kanë të qartë bollëkun e madh dhe çmimet konkurrente të internetit. Mirëpo, në se do të krijohet tregu unik digjital evropian, gjatë 5 viteve të ardhshme mund të garantohet një rritje suplementare nga 250 miliard euro, komentoi zëvendës kryeministri Tomisllav Donçev.

Komisionari evropian nga Estonia Andrus Ansip shpjegoi: “Qeveritë kanë rol kryesor për zhvillimin e shërbimeve më të shpejta dhe më të lira nëpërmjet internetit. Në mbarë Evropën vonon procesi i digjitalizimit të shërbimeve të informacionit dhe të komunikacionit. Qëllimi është, që shërbimet në sektorit shoqëror të lidhen midis njeri tjetrit.”

Tek ne për shembull, informacioni për rezultatet financiare të firmave paraqiten veçmas para statistikës, administratës tatimore dhe regjistrit tregtar. Në se do të vendoset lidhje midis sistemeve të këtyre tri dikastereve, informacioni do të paraqitet një herë.

Ministri i transportit dhe i teknologjive të informacionit Ivajllo Moskovski paraqiti drejtimet kryesore të platformës së qeverisë elektronike. Parashikohet lidhja e regjistrave publike, identifikimi nëpërmjet internetit, sigurimi i internetit të shpejtë për 29 krahina të vendit. Projektet realizohen sipas afateve të parashikuara. Rajoni i Bullgarisë Veriperëndimore, i cili njihet si më i varfëri, u përfshi në një projekt të përbashkët me Rumaninë dhe Serbinë për financim evropian. Ideja është, që rrjeti optik i tri shteteve të lidhet dhe në rajon të zhvillohen teknologjitë e larta. Ministri shprehu kënaqësi nga bashkëpunimi midis tri shteteve në fushën e teknologjive të informacionit.

Qeveria elektronike është një nga prioritetet e kabinetit të tanishëm, theksoi në diskutimin e tij zëvendës kryeministri i politikës ekonomike dhe fondeve evropiane Tomisllav Donçev dhe shtoi: “Ligji i ri i prokurimeve publike, që po hartohet, do të jetë gati në mesin e vitit. Ai do të sigurojë bazën ligjvënëse për porosi elektronike. Me ndihmën e Bankës Evropiane për Rindërtim dhe Zhvillim tashmë u krijua një degë e prokurimeve publike. Financat janë të siguruara për tërë procesin në kuadrin e Programit Operativ “Administrim të mirë”.

Kryeministri Bojko Borisov theksoi, se ideja, që patrullat e policisë rrugore të pajisen me kamera u huazua nga Estonia. Sipas tij digjitalizimi i policisë rrugore në Estoni ndihmoi për kufizimin e korrupsionit. Lidhur me këtë zoti Borisov theksoi, se mendohet ideja për vendosjen e kamerave në doganat bullgare.

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Ministri i Ekonomisë Petko Nikollov në “LB Bulgaricum”

Kompania shtetërore e qumështit po modernizon fabrikën e saj në Vidin

Në shtator filloi modernizimi i bazës prodhuese të kompanisë shtetërore të qumështit “El Bi Bulgaricum” në Vidin. Fillimisht, pritet të meremetohen frigoriferët në magazina dhe rrugicat që çojnë në ofiçina, si dhe parkingu përballë godinës, njoftoi..

botuar më 24-09-15 9.25.PD

Një kompani bullgare për prodhimin e bareve me proteina po zgjeron veprimtarinë e saj

Kompania bullgare për bare proteinash “Healthy Bars” ka në plan të ndërtojë një fabrikë të re në zonën e kryeqytetit “Vrëbnica”. Për këtë synim tashmë është njoftuar edhe inspektimi rajonal i mjedisit dhe ujërave, ndërsa kompania ka bërë të ditur..

botuar më 24-09-14 9.15.PD
Ambasadorja e jashtëzakonshme dhe fuqiplotë e Republikës Popullore të Kinës në Bullgari, Shkëlqesia e Saj Dai Cinli

Shkëlqesia e Saj Daj Cinli: Bullgaria dhe Kina kanë bashkëpunim praktik të cilin shpresojmë ta thellojmë

Bullgaria dhe Kina vendosën marrëdhënie diplomatike me njëra-tjetrën 75 vjet më parë - në vitin 1949. Një vit më vonë, Republika Popullore e Kinës dhe Republika Popullore e Kinës shkëmbyen ambasadorë dhe marrëdhëniet dypalëshe u zhvilluan në një..

botuar më 24-09-12 12.58.MD