Një javë para Pashkëve Ortodokse bullgarët festojnë Ditën e Dafinave (Cvetnica). Kjo ditë shënon fillimin e javës më të trishtuar, por në të njëjtën kohë plot mesazhe shpirtërore në jetën e të krishterit besimtar – kjo është koha kur Krishti ka pranuar vuajtjen dhe vdekjen në kryq, që t’i lajë mëkatet e njerëzimit dhe t’i dhurojë shpresë për shpëtim nëpërmjet ringjalljes së vet në qiej.
Sipas teksteve në ungjij Krishti ka hyrë në Jerusalem, ku njerëzit e kanë pritur me degë të bekuara ulliri, palme dhe dafine, duke thirrur “Hosanna”. Në Ditën e Dafinave bullgarët mbajnë në duar degë të bekuara shelgu, si degët e palmës, me të cilat e kanë mirëpritur Krishtin në Jerusalem. Bekimi i degëve të shelgut ndodh në meshën e mesnatës ditën e shtunë. Pas liturgjisë të krishterët kthehen në shtëpi me degët e bekuara të shelgut për shëndet, ndërsa të nesërmen në mëngjes sipas zakoneve të vjetra bullgare mbi dyert e çdo një shtëpie vendoset një kurorë shelgu. Në regjionet e ndryshme Dita e Dafinave ka emra të ndryshëm – Vrëbnica, ose Vaja, si dhe Kuklinden (Dita e Kukullave). Në Ditën e Dafinave mund të hahet peshk, por gjellët kryesore janë ato pa mish. Në shumë rajone bëhen pite në formën e luleve.
Dita e Dafinave shënohet solemnisht në qytetin Lloveç. Festimi fillon që ditën e shtunë, kur është Ngjallja e Llazarit. Edhe sivjet janë parashikuar koncerte folklorike, ndërsa zanatçinjtë do të prezantojnë vepra të zanateve të ndryshme. Ura e kalimtarëve mbi lumin Osëm do të jetë skenë e zakonit të lashtë “Në ujë” – një variant i traditave të Kuklinden. Vajza, kurora e së cilës, të cilën e quajnë “kukull”, lumi e dërgon më larg, bëhet “vajzë nderi” në festat e Pashkëve. Besohet se kjo është një shenjë pozitive për të ardhmen e vajzës.
Qyteti i vjetër malor i Aprillci pret një nga festivalet më interesante dhe më të shijshme bullgare - Festën e proshutës dhe rakisë së ngrohtë. Në datat 24 dhe 25 shkurt, qyteti malor, i vendosur rrëzë majës së Maragidik, po përgatitet të mirëpresë më..
Shoqata Kulturore Bullgare së bashku me përfaqësues nga Rumania dhe Moldavia organizoi në Bruksel Festën e Martenicës (Verores) që u mbajt më 18 shkurt. Ky është edicioni i dytë kushtuar simbolit të pranverës që bashkon të tre vendet. Në stenda u..
Për herë të parë, Nju Jorku organizoi një klasë të mjeshtërisë në vallet popullore me koreografin tonë të njohur Prof. Dr. Anton Andonov, shef i departamentit "Koreografi" në Akademinë e Muzikës, Valleve dhe Arteve Figurative "Prof. Asen Diamandiev"..