Dënime të drejta dhe kufizimin e mundësive për zbutjen e ndëshkimeve për krimet e rënda në rast të pranimit të fajësisë dhe bashkëpunimit me organet hetuese nga ana e kryesit – këtë e kërkuan në një protestë para Kuvendit Popullor të afërmit e viktimave të krimeve të rënda.

Komisioni për Drejtësinë pranë Parlamentit do të shqyrtojë në lexim të parë ndryshimet e Kodit të Procedurës Penale të lidhura me gjykimin e shkurtuar. Propozimet për heqjen e mundësisë që kryesit e krimeve të rënda si vrasja apo dhunimi të marrin dënime të lehtësuara janë parashtruar nga Partia Socialiste Bullgare dhe VMRO-ja. Partia GERB propozon që Gjykata ta ketë të drejtën vetë të gjykojë se si mund të reduktohet dënimi në rast të bashkëpunimit nga ana e kryesit të veprës penale.