Një përkrahje kategorike për anëtarësimin e Shqipërisë dhe të Republikës së Maqedonisë në Bashkimin Evropian – rreth këtij qëndrimi u bashkuan ministrat e jashtëm të Bullgarisë – Ekaterina Zaharieva, të Greqisë – Nikos Dendias, të Rumanisë – Ramona Mănescu dhe të Kroacisë - Gordan Grlić Radman, të cilët u takuan sipas traditës në kuadrin e sesionit të Asamblesë së Përgjithshme të OKB-së. “Jemi të bindur se do të jemi më të sigurt, me prosperitet më të madh dhe më të pasur vetëm në qoftë se të gjithë fqinjët tanë bëhen anëtarë të Bashkimit Evropian. Greqia i ndihmonte tri vendet tona në periudhën para aderimit, ndërsa tani erdhi koha edhe ne t’i përkrahim fqinjët tanë nga gjashtë vendet e Ballkanit Perëndimor”, deklaroi para kolegëve të vet Zaharieva, duke pasur parasysh Shqipërinë, Kosovën, Malin e Zi, Serbinë, Republikën e Maqedonisë së Veriut dhe Bosnjën e Hercegovinën.