Me qëllim të analizohet se si zhvillohet epidemia e koronavirusit në Bullgari fillon testimi i shpejtë i një mijë njerëzve nga grupet më të rrezikuara – policë, shoferë në transportin urban, shoferë të ambulancave. Këtë e tha kryeministri Bojko Borisov pas mbledhjes së Këshillit Evropian, e cila herën e tretë u zhvillua nëpërmjet konferencës video. Testimi do të përsëritet pas një muaji për të vendosur me sa u rrit numri i të infektuarve dhe sa veta u shëruan. Mbi ato të dhëna do të analizohet se kur do të jetë piku i infektimit, shpjegoi kryeministri. Sipas tij masat e deritanishme kundër COVID-19 në Bullgari janë të sakta dhe me kohë dhe një përparësi i vendit është se nuk është objekt i fluksit të migrantëve.