Në këtë ditë Kisha u bën thirrje besimtarëve të kujtojnë për sakrificën vullnetare të Shpëtimtarit dhe për Dashurinë e Tij, e cila shfajëson të gjitha gabimet. Të ndiejnë vuajtjet e të afërmit, sepse çdo një dhimbje kujton vuajtjet e Krishtit në Kryq. Dhe si njerëzit, të cilët përjetojnë ankthin më të keq, duke harruar të hanë dhe të pinë ujë, besimtarët në Të Premten e Madhe nuk pranojnë ushqim dhe ujë. Në këtë mënyrë ata tregojnë se janë gati të përjetojnë të paktën një grimcë prej vuajtjeve të tmerrshme të Shpëtimtarit.
Në Të Premten e Madhe në mëngjes para shërbesës, në mes të kishës vendoset një tavolinë e lartë, e cila simbolizon Varrin e Krishtit, të mbyllur me pëlhurën, me të cilën besohet se u mbështoll trupi i Krishtit pasi u hoq nga kryqi. Mbi të vendosen Ungjilli, Kryqi dhe lule të bardha.
Pas shërbesës të krishterët ortodoksë afrohen tek Varri i Krishtit, përkulen para imazhit të Shpëtimtarit të qëndisur mbi pëlhurën, e puthin atë e pastaj puthin Ungjillin dhe Kryqin. Vendosin lule dhe kalojnë nën tryezën (varrin simbolik). Pastaj përkulen para Kryqit të Madh dhe para imazheve të Hjyilindëses dhe Shën Joan Theologut dhe pasi i puthin ato, dalin kokëulur nga kisha.
Sivjet Sinodi i Shenjtë i Kishës Ortodokse Bullgare u bëri thirrje besimtarëve të zbatojnë rritet, por pa prekur dhe pa puthur pëlhurën e shenjtë dhe ikonat. Sivjet nuk do të ndahen lule, besimtarët nuk do të kalojnë nën tryezën. Ata vetëm do të mund të jenë të pranishëm në kishë gjatë shërbesës.
Përgatiti në shqip: Jordanka Ivanova
Foto: Darina Grigorova
Në vitin 2009, bashkatdhetari ynë Anton Orush solli koleksionin e tij kushtuar teknologjisë bullgare. Ndër eksponatet në të ka televizorë, radio, pajisje kuzhine, kompjutera, telefona, pajisje për lëshim faturash etj. Gradualisht, ky pasion i tij e shtyu..
Vetëmohimi, ndershmëria, trimëria dhe besimi në të drejtën e lirisë kombëtare dhe në një jetë të denjë. E gjithë kjo personifikon një nga heronjtë më të dashur kombëtar bullgar - Vasill Levski . Më 18 korrik të këtij viti Bullgaria shënon 187 vjet..
Bullgaria vazhdon të jetë i vetmi vend europian që nuk ka memorial për viktimat e regjimeve totalitare. Ky fakt i turpshëm, që shënoi statusin modern të shoqërisë sonë si një ulçerë e pashëruar prej kohësh, u kujtua edhe këtë vit më 1 qershor, kur qindra..