Sofja propozon mundësi të pakufizuara për shëtitje nëpër gjurmët e historisë. Ndër objektet më të vizituara në kryeqytet është rotonda “Shën Gjergji”.Kjo është godina më e vjetër antike e ruajtur relativisht mirë në qytet. Është ndërtuar në fillim të shekullit të IV, gjatë udhëheqjes së perandorit romak Konstantin i Madh gjatë lulëzimit të Serdikës antike (emri i vjetër i Sofjes).

Kisha-rotondë “Shën Gjergji” ndodhet në zemrën e kryeqytetit dhe më saktë në oborrin e brendshëm të Presidencës, vetëm disa metra larg mbeturinave të kështjellës antike të Serdikës.

Ajo përbën ndërtesë cilindrike me kupolë, që ngrihet 14 metra dhe është e gjerë rreth 9,50 metra.Dhoma e saj e altarit është katrore, ka katër kamare të vendosura simetrikisht, dhe hyrja kryesore e saj ndodhet në murin perëndimor.

Pas njohjes së krishterimit si fe e lejuar në Perandorinë Romake Rotonda është shndërruar nëbaptisterium(një godinë për pagëzime). Gjatë udhëheqjes së Justinianit të Madh (527-565) Rotonda është kthyer në kishë.

Që nga atëherë datojnë edhe afresket e saj. Tempulli ka mbijetuar edhe gjatë zgjedhës osmane, kur është shndërruar në xhami.

Mund të mësoni më shumë për kthesat e fatit të një prej monumenteve kulturore emblema të kryeqytetit të Sofjes në artikullin nga koleksioni i Radio Bullgarisë Rotonda “Shën Gjergji” – histori dhe mistere