The EcoTour-Net është një projekt perspektiv, i krijuar në bazë të programit operativ për një bashkëpunim transkufitar “Pellgu i Detit të Zi”, për të promovuar çiklizmin. Ai i mundëson qytetet nëpër bregdetin e Detit të Zi të ruajnë natyrën e tyre dhe njëkohësisht të tërheqin më shumë turistë përmes monumenteve natyrore, arkitekturore dhe kulturore. Projekti, në të cilin merr pjesë dhe Bullgaria është në përmasë të mbi 795 000 eurove dhe përfshin 18 itinerare turistike, të vendosura në 5 shtete. Janë përfshirë 48 vende për vizitë, 10 rrugë për çiklizëm dhe 6 rrugë për të ecur në këmbë, 32 vende për pushim dhe 4 platforma për vëzhgimin e shpendëve të rrallë. Me kureshtjet e tyre marrin pjesë Turqia /Şile/ Ukraina / Zaporizhzhya/, Greqia / Xanthi/, Gjeorgjia /Martvili/, kurse nga pala bullgare - qyteti Bjalla.
Bashkia e qytetit Bjalla ndodhet në pjesën qendrore të bregdetit bullgar të Detit të Zi dhe është në një largësi të barabartë dhe nga qyteti Varna dhe nga qyteti Burgas (rreth 70 kilometra). Në qytet ka një infrastrukturë turistike të zhvilluar shumë mirë, hotele të shumta dhe lokale, por synimi i administratës bashkiake është që të mund ta bëjë qytetin më mikpritës dhe për çiklistët. Prandaj mbi projektin The EcoTour-Net për ta do të bëhen lehtësira dhe shërbime të veçanta, të cilat t’i tërheqin ndaj kësaj pjese nga bregdeti i Detit të Zi. Sipas të rinjve në administratën vendase, qyteti Bjalla mund të vizitohet vetëm për një ditë nga banuesit dhe miqtë e qytetit Varna për shembull. Por, përse udhëtimi ja vlen, mësojmë nga intervista për Radion Kombëtare Bullgare me drejtuesin e projektit Kosta Stojanov:
“Janë zgjedhur vende për pushim me një pamje shumë të bukur. Përgjatë rrugëve janë përshtatur nëntë devijime, ku janë vendosur tavolina dhe karrige, që të mundet çiklistët dhe turistët të cilët ecin në këmbë të mund të ulen për pushim. Përveç kësaj, në rrugën Via Pontika, e cila kalon nëpër bregdetin e Detit të Zi, mbi kureshtjen natyrore “Shkëmbinjtë e Bardhë”, është ngritur një kullë për vërejtjen e shpendëve. Ajo është mjaft e madhe, dykatëshe, e lartë mbi 8 metra. Rruga është shumë e vizituar dhe e njohur si nga fotografët ashtu dhe nga ornitologët, sepse nëpër rrugën Via Pontika mund të vihen re lloje interesante të shpendëve. Nëpër rrugët ka dhe çezma të shumta, ku njerëzit mund të freskohen. Shpresojmë se krijimi i rrugëve dhe с lokacioneve për një turizëm ekologjik do të kontribuojë për shtimin e numrit të turistëve dhe të të ardhurave nga vizitat e tyre. Nga kjo do të përfitojnë bizneset vendase, prodhuesit dhe publiku.”
Në territorin e bashkisë Bjalla janë ndërtuar tre rrugë të reja për biçikleta me një gjatësi të përbashkët mbi 36 kilometra. Posaçërisht për to tanimë janë formuar online harta elektronike dhe QR kode, të cilat do t’i drejtojnë turistët deri tek kureshtjet më të afërta. Kështu nuk nevojitet përdorimi i një harte prej letre. “I gjithë informacioni i rëndësishëm, krahas me çezmat, të cilat nuk shikohen nga rruga por janë fare afër janë treguar në mënyrë elektronike” - thotë për Radion Kombëtare Bullgare Zdravko Vasilev nga klubi çiklistik “Ustrem” në qytetin Bjalla:
“Prandaj studiuam të gjitha objektet e mundshme vendase - çezma, kureshtje kulturore, historike dhe natyrore. U përpoqëm që ato të jenë jo vetëm nëpër rrugën e itinerarit, por dhe të japim një informatë për to. Njëri itinerar niset nga Bjalla, përmes Goricës, Samotino dhe Shkorpillovci, kurse tjetri - nga kalaja e Bjallës, ku ndodhen gërmimet arkeologjike dhe arrin deri në Karadere.”
Në bazë të materialeve të BNR: Gergana Mançeva
Përgatiti në shqip: Nataniela Vasileva
Foto: ecotournet.net
Verën e kaluar Burgasi dhe fshatrat turistikë përreth pritën rreth 600 mijë turistë bullgarë dhe të huaj, që është 21% më shumë se në vitin 2023. Megjithatë kohët e fundit qyteti ynë i Detit të Zi po zhvillohet edhe si një qendër kulturore, duke..
"Vemja e Rodopeve" – kështu e quajnë trenin që zvarritet përgjatë shpateve të malit Rodopa në rrugën Dimitrovgrad - Haskovo - Kërdxhali - fshati Podkova. Dhe jo, kjo nuk është treni legjendar me binarë të ngushtë , i cili qarkullon në një..
Në vitin 2009 një kompani shtetërore në Shangai nxori në treg kos me markën “Musilijan”, siç quhet fshati Momçillovci në Kinë. Shfaqja e produktit tonë u shoqërua me një fushatë reklamuese në shkallë të gjerë dhe emri i fshatit në malin e..
Bashkia rodopase Ardino shpalli se ka filluar përgatitjen e kandidaturës së saj për pjesëmarrje në edicionin e pestë të nismës së Organizatës..
Delfinariumi në Varnë po mirëpret përsëri vizitorët - duke ofruar tre shfaqje në ditë gjatë gjithë sezonit të verës, njofton BGNES. Fëmijët do të..