“Solidaritet” është fjala me të cilën mund ta lidhim vitin 2020 –një vit krize shëndetësore, sociale dhe ekonomike me shtrirje globale dhe pasoja negative afatgjata. Në sfondin e normës së jashtëzakonshme të rritjes së Covid-19, ishim dëshmitarë të një vale të madhe ndjeshmërie, kujdesi dhe mobilizimi njerëzor - ky është një nga konkluzionet e mëdha, të cilat i bën Forumi Bullgar i Dhurimit në analizën e vet për vëllimin dhe tendencat në dhurimin tek ne. Studimi bëhet për vit të 14 të radhës, ku në edicionin e fundit llogaritet një vëllim i jashtëzakonshëm prej 19% të dhurimeve të bëra financiare prej kompanive, fondacioneve, personave fizikë dhe tregtarët individualë për vitin e kaluar 2019. Shuma e përgjithshme del në 117 237 895 leva, saktëson Krasimira Veliçkova,  drejtoreshë e Forumit Bullgar të Dhurimit. Sferat shëndetësore, sociale dhe arsimore mbeten me prioritet për dhuruesit privat në Bullgari.

“Konkluzioni kryesor nga analiza është se, njerëzit në Bullgari gjatë vitit 2020 kanë qenë jashtëzakonisht bujarë dhe kuptohet në solidaritet me përpjekjet e përgjithshme për të përballuar Covid krizën. Pothuajse 30% janë rritur dhurimet prej personave privat në vend, ku ata kanë dhuruar afro 15 milionë leva” - sqaron Veliçkova në një intervistë për Radion Kombëtare Bullgare-Bllagoevgrad.

Rikujtojmë se, bullgarët u vunë dhe në vendin e 45 për nga bujaria për vitin 2020 në studimin më të autoritetshëm, i cili e mat bujarinë në 114 shtete-Indeksi Botëror Dhurues të KAF 2020 (CAF World Giving Index). Kjo është dhe pozita më e lartë, deri tek e cila është ngjitur vendi ynë që nga krijimi i indeksit gjatë vitit 2009.

• Vallë a na bëri pandemia më bujarë dhe më të mirë?

49% nga shuma e përgjithshme e dhuruar për vitin vjen prej kompanive - këto janë pak mbi 58 milionë leva. “Gjatë vitit të kaluar dhurimet e bëra prej kompanive, bullgare dhe ndërkombëtare, i tejkalojnë dhurimet e fondacioneve -sqaron Veliçkova.

Sektori shëndetësor dhe ai social ishin më të ndihmuarit përmes dhurimeve gjatë vitit të kaluar dhe e zëvendësuan kauzën tradicionale numër 1 të dhurimit bullgar - arsimin, tregon akoma analiza. 

Dhurimet e fondacioneve për vitin 2020 në Bullgari po shënojnë një ulje të lehtë me 3% dhe dalin në mbi 44 milionë leva. Këto para kanë qenë të orientuara kryesisht drejt përballimit të pasojave  sociale dhe ekonomike nga kriza përmes përkrahjes së grupeve të ndryshme të cenueshme - fëmijë dhe njerëz të rritur me aftësi të kufizuara, njerëz të moshuar të cilët jetojnë vetëm, familje në një varfëri të madhe e të tjerë.

“Pas shifrave në analizë, në radhë të parë, shoh një sjellje natyrale të përgjegjshme të donatorëve bullgarë në krizë. Vumë re një forcim të aktivitetit dhurues në të gjithë botën. Kjo është një gjë tepër karakteristike - kur ka krizë, të ketë dhe një valë të një ndjeshmërie. Gjëja tjetër e cila qëndron pas shifrave është besimi i madh që është treguar në komunitetin e donatorëve për ata që mund të bëjnë punë në terren. Për shembull ndaj organizatavecivile” - përgjithëson Krasimira Veliçkova.

Përpiloi: Vesella Krësteva/ në bazë të intervistës së Rosinka Prodanovës për BNR-Bllagoevgrad/

Përgatiti në shqip: Nataniela Vasileva

Foto: Pixabay, BGNES