46 veta vdiqën pasi një autobus pasagjerësh me targë maqedonase mori flakë në Autostradën “Struma” pak para orës 3 të mëngjesit të 23 nëntorit. Janë shpëtuar 7 persona dhe janë vendosur pa rrezik për jetën në Spitalin e Urgjencës “Pirogov”. Ata kanë arritur të largohen vetë nga makina pasi kanë thyer xhamin në pjesën e pasme të automjetit. Autobusi ka udhëtuar nga Turqia për në Maqedoninë e Veriut. Ka pasur 52 persona shtetas maqedonas dhe një me shtetësi belge. Shumica e viktimave janë nga Shkupi, ka shumë të rinj dhe 11 fëmijë. Nga lista e emrave të pasagjerëve shihet se shumica janë me origjinë shqiptare.
Të afërm dhe miq të pasagjerëve nga autobusi i aksidentuar në Autostradën “Struma” mbërrijnë në Spitalin “Pirogov”. Disa prej tyre treguan se e morën vesh ngjarjen nga media dhe spontanisht u nisën për në Bullgari me shpresën për të marrë më shumë informacion për të afërmit e tyre. Ata kërkojnë informacion nga Ambasada e Maqedonisë së Veriut për veprimet që do të ndërmerren tash e tutje. Në mesin e atyre që presin është edhe Shaban Rashitovski. Katër nga pasagjerët e vdekur janë fqinjë të tij. Sapo mori vesh tragjedinë, shkoi në Sofje. “Erdha të ndihmoj me aq sa mundem”, u tha ai gazetarëve të BNR.
Në Sofje qytetarët vendosën lule dhe ndezën qirinj para Ambasadës së Republikës së Maqedonisë së Veriut në shenjë ngushëllimi ndaj viktimave. Nesër, më 24 nëntor do të shpallet ditë zie në mbarë vendin. Këtë e bëri të ditur në Varna Zëvendëskryeministri bullgar Gëllëb Donev, transmetoi korrespondentja jonë Daniella Stojnova.
Kryeministri në detyrë Stefan Janev dhe Ministri teknik i Brendshëm Bojko Rashkov e përshkruajnë pamjen si të tmerrshme. Disa nga viktimat janë gjetur të grumbulluar rreth njërës derë. Autobusi ka udhëtuar në një kolonë me tre autobusë të tjerë të së njëjtës kompani turistike maqedonase dhe ka qenë i fundit në kolonë. Tre automjetet e para kanë kaluar në Maqedoninë e Veriut në pikën kufitare Gjueshevo në orën 5 të mëngjesit.
Hetimi duhet të përcaktojë shkaqet e sakta të tragjedisë. Kryeministri maqedonas Zoran Zaev, i cili mbërriti urgjentisht në Sofje, tha se ka folur me një nga të mbijetuarit e autobusit. Ai ka thënë se në autobus ka ndodhur një shpërthim.
Kryeministri Stefan Janev hodhi poshtë mundësinë që sipërfaqja e rrugës të jetë shkaku i aksidentit të rëndë. Në një konferencë për shtyp me kryeministrin e Maqedonisë së Veriut Zoran Zaev Janev tha: "Unë nuk do të pranoja asnjë lloj spekulimi se pjesa e autostradës, gropat apo gungat e kanë shkaktuar aksidentin.”
Është djegur tahografi që regjistron lëvizjen e autobusit, tha për BNR shefi i Agjencisë Ekzekutive “Administrata e Automjeteve”, Bojko Ranovski. Kamerat e agjencisë nuk kanë regjistruar asnjë shkelje të rregullave apo lëvizje të autobusit me shpejtësi mbi atë të lejuar. Janë bërë të gjitha pushimet e detyrueshme, shtoi Ranovski.Tani për tani Maqedonia e Veriut nuk do të zhvillojë hetim paralel.
Vasko Pirgov, i cili është dëshmitar i aksidentit të rëndë në Autostradën “Struma”, duke qenë me detyrë aty në mëngjesin e sotëm, tha për BNR se katër autobusët kanë pushuar 20 minuta para ngjarjes.” “Ka pak të ngjarë që shoferi të ketë fjetur. Rruga ishte e lagur. Ai e ka ngatërruar rrugën për mendimin tim. Më pas është prerë goma e përparme djathtas dhe ka ndodhur aksidenti”, tha Pirgov.
Ditën e premte do të mbajë mot me vranësira, paradite në ultësira me mjegull. Në disa zona do të ketë reshje, në masivet jugperëndimore dhe në rajonet juglindore do të jenë intensive. Temperaturat minimale do të jenë ndërmjet 10° dhe 16°, në Sofje..
Fluksi i migrantëve të paligjshëm përgjatë kufijve të Bullgarisë u ul me 71% në tetë muajt e parë të vitit 2024 krahasuar me të njëjtën periudhë të vitit 2023. Këto të dhëna i prezantoi drejtori i Policisë Kufitare, Anton Zllatanov, në një takim të..
Kuvendi Popullor e hodhi poshtë propozimin e “Ka një popull të tillë” për lehtësimin e kushteve për mbajtjen e referendumeve me ndryshimet në Ligjin për pjesëmarrjen e drejtpërdrejtë të qytetarëve në pushtetin shtetëror dhe në vetëqeverisjen lokale...
BSP insiston që Ministria e Punëve të Jashtme të thërrasë ambasadorin e Republikës së Maqedonisë së Veriut në vendin tonë për shpjegime lidhur me..
Me një festival gjashtëditor të zanateve në Veliko Tërnovo , nisin festimet me rastin e 116 vjetorit të shpalljes së Pavarësisë së Bullgarisë..
Vizita e presidentes së Maqedonisë së Veriut Gordana Siljanovska është me rastin e një ngjarjeje kulturore - vizita e Operës dhe Baletit Kombëtar të..