Para monumentit të Apostullit të Lirisë – Vasill Levski në Bosilegrad më 19 shkurt do të bëhen homazhe dhe do të vendosen kurora në lidhje me 149 vjetorin e vdekjes së tij dhe përvjetorin e 17-të të inaugurimit të monumentit, njofton portali “Glas press”. Veprimtaria u organizua nga Qendra Kulturor Informative “Bosilegrad”, Bashkia e Kryeqytetit dhe Komiteti Mbarëbullgar “Vasill Levski”.

Pas pjesës zyrtare e cila përfshin përshëndetje drejt të pranishmëve dhe mesazhe ndaj komunitetit bullgar, do të bëhen homazhe dhe do të vendosen kurora. Me një minutë heshtje në kujtim të Apostullit të pranishmit do të përulen para veprës së tij. Do të ketë edhe një program kulturor. Në të do të marrë pjesë Kuarteti “Svetogllas” – një nga formacionet folklorike me popullaritet, i cili interpreton folklor tradicional bullgar dhe muzikë të lasht kishtare.