Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria dhe komuniteti ndërkombëtar dënojnë njohjen e Republikave Popullore të vetëshpallura të Doneckut dhe Luganskut nga Presidenti Putin

Vlladimir Putin
Foto: BGNES

Pasi më 21 shkurt Presidenti rus Vlladimir Puti njohu si të pavarura Republikat Popullore të vetëshpallura të Doneckut dhe Luganskut në Ukrainë dhe më vonë urdhëroi forcat e armatosura ruse të kryenin operacione paqeruajtëse në të dy zonat, komuniteti ndërkombëtar doli me një reagim të ashpër kundër veprimeve të Rusisë.

Presidenti i Ukrainës Volodimir Zelenski tha se kjo është një shkelje e integritetit dhe sovranitetit të vendit të tij. Duke theksuar se kufijtë ndërkombëtarë të Ukrainës do të mbeten të pandryshuar pavarësisht deklaratave të Moskës, ai tha: “Ne nuk kemi frikë” dhe shtoi se ai pret hapa të qartë dhe efektivë nga partnerët e tij ndërkombëtarë.

Në një takim të jashtëzakonshëm të Këshillit të Sigurimit të OKB-së, Shtetet e Bashkuara dhe aleatët e tyre kritikuan ashpër Presidentin Putin dhe dënuan vendimin e tij për të dërguar trupa në territoret ukrainase, duke i përshkruar qëllimet e tij si një shkelje e rëndë e së drejtës ndërkombëtare dhe një “pretekst për luftë”.

Më herët, presidentët e Komisionit Evropian Ursula von der Leyen dhe presidenti i Këshillit Evropian Charles Michel e caktuan njohjen e republikave separatiste si një “akt i paligjshëm”, ndërsa Sekretari i Përgjithshëm i NATO-s Jens Stoltenberg i bëri thirrje Moskës të ndalojë nxitjen e konfliktit dhe të zgjedhë rrugën e diplomacisë.

Në pozitën e Ministrisë së Punëve të Jashtme të Bullgarisë, i publikuar në profilin e Ministres sonë të Jashtme Teodora Gençovska në Twitter, thuhet se “njohja e republikave separatiste të Luganskut dhe Doneckut është shkelje e rëndë e së drejtës ndërkombëtare dhe minon sigurinë evropiane”.

Gjithashtu në rrjetin social Twitter, Kryeministri bullgar Kirill Petkov shkroi: “E dënoj vendimin e presidentit rus për të njohur Doneck dhe Lugansk si entitete të pavarura. Ne vazhdojmë të mbështetim integritetin territorial të Ukrainës brenda kufijve të saj të njohur ndërkombëtarisht. E drejta ndërkombëtare duhet të respektohet. Ne, Bashkimi Evropian, do të përgjigjemi të bashkuar në mbrojtjen e saj”.

Përsëri në Twitter, Presidenti Rumen Radev shkroi se “njohja e të ashtuquajturës Republikë Popullore të Doneckut dhe Republikë Popullore të Luganskut nga Federata Ruse dënon përpjekjet për deshkallëzim në Ukrainë dhe rrit tensionet në të gjithë rajonin”. Në një publikim të dytë mbi këtë temë, kreu i shtetit shtoi se një zgjidhje e qëndrueshme të krizës nuk mund të gjendet me shkeljen e së drejtës ndërkombëtare dhe me mjete ushtarake.





Последвайте ни и в Google News Showcase, за да научите най-важното от деня!

Më shumë nga rubrika

Shtimi i numrit të partive në parlamentin bullgar dhe sinjalet ndaj procesit zgjedhor

Pothuajse pesë muaj pas zgjedhjeve të fundit të parakohshme parlamentare në Bullgari, Legjislatura e 51-të të Kuvendit Popullor “u zmadhua” me një parti dhe tani përbëhet nga nëntë formacione politike rekord. Gjykata Kushtetuese shpalli 16..

botuar më 25-03-18 7.05.PD
Калин Джорджеску

Ngjarjet me adresë ballkanike

Autoritetet rumune largojnë Calin Georgescu nga zgjedhjet presidenciale Calin Georgescu nuk do të lejohet të marrë pjesë në zgjedhjet presidenciale në Rumani në maj. Kandidatura e tij u anulua nga Komisioni Qendror i Zgjedhjeve. Pas këtij..

botuar më 25-03-15 8.30.PD

Komentet pas vendimit të Gjykatës për rishpërndarjen e votave

Vendimi i Gjykatës Kushtetuese për rezultatet e zgjedhjeve parlamentare të tetorit 2024 u komentua nga forca të ndryshme parlamentare. Zëvendëskryeministri Tomisllav Donçev nga GERB komentoi pyetjen se a ka rrezik për qeverinë dhe mazhorancën: "Një..

botuar më 25-03-13 6.34.MD