Vendimi që Agjencia për Bullgarët jashtë Shtetit të integrohet me Ministrinë e Punëve të Jashtme me gradë të Agjencisë Ekzekutive u regjistrua në marrëveshjen e koalicionit midis katër partive në pushtet, që para formimit të qeverisë së tanishme. “Ideja është që Agjencia të jetë pjesë operative më e integruar e punës së misioneve tona diplomatike jashtë vendit, dhe nga ana tjetër - të lehtësojë komunikimin me komunitetet bullgare jashtë dhe teknikisht madje, të jetë një ide më afër bullgarëve në mbarë botën”- tha Zëvendësministrja e Jashtme Velisllava Petrova në një intervistë për programin “Hristo Botev” të Radios Kombëtare Bullgare (BNR).
Sipas saj, shërbimet konsullore janë ndër më aktivet, por edhe nga më të kritikuarat në administratën shtetërore, prandaj një pjesë e aktiviteteve të tyre duhet të kalojnë sa më shpejt në mjedisin online. Për shembull, shërbimet që lidhen me procesin e lëshimit të vizave dhe rezervimin e orëve për marrjen fizike të dokumenteve mund të jenë plotësisht digjitale.
Ekspertë të Ministrisë do të sistemojnë shërbimet administrative më të përdorura nga bullgarët jashtë vendit, të cilat mund të kryhen online. “Problemi nuk mund të zgjidhet në mënyrë të njëanshme dhe në këtë drejtim Ministria e Punëve të Jashtme është duke punuar së bashku me Ministrinë e e-Qeverisjes”, tha Zëvendësministrja Petrova.
Edhe administrata në vendin tonë ka për t’u përshtatur me nevojat e bullgarëve që vijnë nga jashtë. Ata do të kenë nevojë për vërtetim më të shpejtë të dokumenteve të lëshuara nga vendet e huaja, si diploma apo certifikata të stazhit të punës, për t’u përdorur në vendin tonë.
Ne nuk duam që bashkatdhetarët tanë në mbarë botën të shihen si njerëz që ikën nga Bullgaria, por ata janë një burim i rëndësishëm për imazhin e vendit dhe për ndërtimin e lidhjeve, tha Petrova. Ministria e Punëve të Jashtme përpiqet të miratojë politika të sakta, të qarta dhe të qëllimshme ndaj bullgarëve jashtë vendit, duke përdorur përvojën e misioneve diplomatike të vendeve si Polonia, Rumania, Shqipëria dhe Kroacia në punën e tyre me komunitetet jashtë vendit, tha zëvendësministrja Velisllava Petrova. Përpilues: Gergana MançevaPërgatiti në shqip: Svetllana Dimitrova
"Interpretimi i ngushtë i konceptit "bullgarë-gagauzë", i imponuar në praktikë nga Ministria e Drejtësisë, pengon rivendosjen e shtetësisë bullgare për gagauzët në Ukrainë dhe Moldavi." Dhënia e shtetësisë bullgare po refuzohet masivisht për..
Me një shëtitje pranverore deri te shtëpia e pushimit “Bozhur”, dhjetëra entuziastë dhe dashamirës të natyrës do të nisin edicionin e 44-t të fushatës “Lëviz dhe fito” . Shëtitja e parë do të zhvillohet më 3 maj me pikë grumbullimi – Ura e Peshkopit..
“Nëse ka besim të fortë dhe lutje, shenjti do të të ndihmojë dhe do ta çojë lutjen tënde te Zoti”, është i bindur at Georgi Markov nga kisha në fshatin Gorni Llozen të Sofjes, dhe shton se shumë herë ka parë mrekullitë që Shën Gjergji bën edhe sot...
Në vitin 2025, Bullgaria shënon 1170 vjetorin e krijimit të alfabetit glagolitik – alfabeti i parë sllav që i parapriu alfabetit cirilik . Me..
Në fillim të viteve '60 të shekullit të kaluar u pranua se gjendja e rezervave ujore në vendin tonë ishte e pamjaftueshme për nevojat e bujqësisë, prandaj..
Më 22 maj, në Muzeun Kombëtar të Historisë Ushtarake hapet një ekspozitë e quajtur "Një çek shumëngjyrësh në Bullgari". Ekspozita i kushtohet..
Diell, re, shi, bubullime
Vranësira të ndryshueshme mundësi për reshje shiu