Shëtitjet detare deri në ishullin e bukur Shën Anastasija dhe deri në Kompleksin Kulturor Historik Çengene Skele në afërsi të qytetit Burgas do të organizohen prapë ditët në vijim, njofton Bgtourism.bg. Ishulli, i cili do të mirëpresë turistët e tij të parë më 16 prill, është një destinacion gjithnjë e më i dëshirueshëm për ngjarje personale si dasma, ditëlindje dhe festime të tjera. Anijet deri në ishull nisen nga porti Burgas. Deri në mesin e muajit maj për në ishull do të ketë nga dy kurse për ditë, pas kësaj - nga tre
Në ishullin Shën Anastasija, i cili në të kaluarën ishte i njohur me emrin “Bollshevik” ngrihet i vetmi manastir ishullor mesjetar i mbijetuar në bregun e Detit të Zi. Në të kaluarën ai shfrytëzohej për burg politik. Në ditët e sotme këtu ka një restorant, një hotel, koleksion muzeor, një plazh i bukur me një port, dhe të ashtuquajtura barnatore, ku ofrohen produkte organike etj. Në vitin 2021 ishullin e frekuentuan 28 000 turistë, por sivjet mbi bazë të regjistrimeve paraprake pritet sezoni të jetë më i fortë
Sivjet kemi katër ditë pushimi rreth Pashkëve (nga 22 deri më 25 prill) dhe dega turistike mbështetet kryesisht te turistët bullgarë për të kompensuar të paktën një pjesë të vogël të humbjeve gjatë krizës me pandeminë.
Në programin festiv të Bashkisë së qytetit Burgas në mënyrë aktive do të përfshihet edhe Kompleksi Kulturor Historik “Çengene Skele”
Më 16 dhe 17 prill, miqtë do të shënojnë kremtet e krishterë Dita e Llazarit dhe Dita e Dafinave me një sërë iniciativash. Pronarët e kompleksit do t’i mirëpresin me një pazar laraman pranveror, një fotoekspozitë, një punishte artistike për të vegjlit dhe për të mëdhenjtë, një koncert të Ansamblit Folklorik të Vallëzimit “Stranxha” dhe argëtime të tjera. Ditët rreth Pashkëve në kompleks pritet një fluks të madh turistësh, ndër të cilët dhe grupet e para të organizuara nga jashtë për këtë sezon.Përpilues: Veneta Nikollova
Përgatiti në shqip: Svetllana Dimitrova
Foto: anastasia-island.com und burgas.bg
Vendpushimi “Albena” në bregdetin veriore bullgar festoi përvjetorin e tij me 11 mijë turistë, njoftoi BTA. Shumica e të ftuarve janë nga Gadishulli Skandinav, po rritet edhe numri i francezëve, çekëve dhe polakëve. Turistët bullgarë dhe rumunë kanë..
Bazilika Episkopale e Filipopolisit është një shembull i gjallë se si mbështetet zhvillimi i turizmit kulturor bullgar, tha ministri në detyrë i turizmit Evtim Milloshev në takimin me Nancy Schiller, presidente e Fondacionit "Amerika për..
Duke filluar nga kjo verë, vizitorët në Vraca mund të eksplorojnë qytetin malor përmes turneve plotësisht falas me guidë sipas modelit të turneve të ngjashëm që ofrohen në qytetet kryesore evropiane . Ideja është që vizitori i cili është ne..
Vranësira të dendura me shi
Vranësira të dendura
Vranësira