Presidenti Rumen Radev mbërriti në Tiranë të Shqipërisë, ku më 6 dhjetor, do të marrë pjesë në Samitin Bashkimi Evropian - Ballkani Perëndimor, njofton zyra e shtypit e presidencës.

Në kuadër të vizitës sot parashikohet një takim i presidentit me përfaqësues të pakicës kombëtare bullgare në Shqipëri dhe me zyrtarë të Bankës Evropiane për Rindërtim dhe Zhvillim.

Në delegacionin bullgar është edhe ministri zyrtar i punëve të jashtme, Nikollaj Millkov.

• Bullgarët në Shqipëri – një fragment i historisë dhe i kulturës së lashtë bullgare

Fokusi i Samitit Bashkimi Evropian - Ballkani Perëndimor do të jetë partneriteti strategjik dhe zhvillimi i dialogut politik ndërmjet BE-së dhe vendeve të Ballkanit Perëndimor, sfidat e sigurisë, presioni i migracionit, lufta kundër terrorizmit dhe krimit të organizuar, si dhe tejkalimin e pasojave negative social-ekonomike të luftës në Ukrainë dhe thellimi i krizës energjetike dhe ushqimore.