Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Evropa përfshin në listën e zezë 200 individë dhe persona juridikë të rinj rusë

Foto: EPA/BGNES

Ministrat e jashtëm të vendeve të BE-së arritën një marrëveshje në parim për të vendosur sanksione ndaj afro 200 personave fizikë dhe juridikë rusë. Sanksionet do të prekin edhe mediat ruse, të cilat “helmojnë hapësirën publike me dezinformata të vazhdueshme”, sipas fjalëve të Josep Borel. Përfaqësuesi i lartë evropian për politikën e jashtme dhe sigurinë tha gjithashtu se është rënë dakord që buxheti i BE-së për mbështetjen ushtarake të Ukrainës të rritet me 2 miliardë euro dhe, nëse është e nevojshme, të plotësohet me 3.5 miliardë euro të tjera.

Paketa e nëntë e sanksioneve të BE-së vjen në mes të sulmeve ajrore ruse në vazhdim mbi sistemet e ngrohjes dhe furnizimit me ujë të Ukrainës në fillim të dimrit të ftohtë. Ai përfshin gjithashtu masa ekonomike - vendosjen e një embargoje për investimet në sektorin minerar rus, ndalimin e shitjes së teknologjive me përdorim të dyfishtë për 169 kompani ruse, ngrirjen e aseteve të Bankës së Kreditit të Moskës dhe Bankës “Dalnjevostoçnij”.

Ndërkohë, presidenti Vollodimir Zelenski u bëri thirrje udhëheqësve të vendeve të G7 që t'i sigurojnë Ukrainës 2 miliardë metra kub gaz natyror, si dhe tanke moderne, raketa me rreze të gjatë veprimi dhe instalime artilerie.

Shtetet e Bashkuara dërguan pajisje energjetike me vlerë 13 milionë dollarë në Ukrainë për të ndihmuar në rindërtimin e infrastrukturës energjetike të vendit.

Rusia tashmë po përdor predha dhe raketa të prodhuara 40 vjet më parë, sepse shteroi rezervat e saj të municioneve, thonë nëpunësit e inteligjencës ushtarake amerikane.




Последвайте ни и в Google News Showcase, за да научите най-важното от деня!

Më shumë nga rubrika

40% e bullgarëve do të dhuronin organet e tyre pas vdekjes

Dhurimi i organeve miratohet nga 62% e bullgarëve, 18% nuk ​​e miratojnë dhe 20% nuk ​​mund të gjykojnë. Këtë e tregojnë të dhënat e paraqitura në një sondazh përfaqësues kombëtar të Agjencisë “Trend” për Agjencinë Ekzekutive të Mbikëqyrjes Mjekësore..

botuar më 25-04-05 2.05.MD

Shërbyeset, kuzhinierët dhe recepsionistët janë më të kërkuarit në bregun e Detit të Zi

Për sezonin turistik 2025 në bregun bullgar të Detit të Zi, punëtorët më të kërkuar janë ata që dëshirojnë të punojnë si shërbyese (76%), të ndjekur nga kuzhinierët (68%), recepsionistët (57%), kamerierët (50%), banakierët (26%) dhe stafi teknik...

botuar më 25-04-05 12.35.MD

Parashikimi i motit për 5 prillin

Ditën e shtunë vranësira do të jetë e ndryshueshme, pas mesditës - shpeshherë e konsiderueshme dhe me reshje shiu. Në shumë vende do të ketë reshje shiu, në disa zona dhe bubullima. Do të fryjë erë mesatare nga drejtimi..

botuar më 25-04-04 7.40.MD