Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Në mbarë botën: Folklori bullgar si pasion dhe frymëzim për bashkatdhetarët tanë australianë

7
Foto: Facebook/BulgariInMelbourne

“Mendoj se folklori bullgar është në gjakun tonë, ai është gjenetikisht i ngulitur tek ne” – kështu fillon biseda jonë me një bullgare atdhetare në fund të botës, e cila arrin të njohë breza të tërë bashkatdhetarësh me vallet dhe traditat tona popullore. Sonja Arabadxhieva ka dhjetë vjet që jeton dhe punon në qytetin australian të Melburnit. Ajo është themeluese dhe drejtuese e "Bullgarë" - ansambli më i madh kombëtar folklorik në rajonin e Paqësorit, me mbi 30 persona.

Rezulton se folklori është filli që lidh bashkësitë bullgare në këtë pjesë të botës me atdheun e largët. Nuk është rastësi që në çdo qytet të madh australian ka një grup folklorik lokal. Në Melburn kemi një grup tjetër – „Horo», në Brisbane është grupi «Zdravec», në Adelaide është „Kitka», në Perth është Vito Horo dhe në Sidnej ka «Ritmet Bullgare». Më vete, ne kemi "Trëndafilat bullgarë" në Zelandën e Re", thotë Sonia me krenari të pa fshehur. Ajo thotë se çdo provë me grupin e saj e mbush me energji të pabesueshme. Dhe shton:

Sonja Arabavhieva

“Mendoj se në këtë grup vijnë të gjithë njerëzit që kanë zemra të mëdha që e duan Bullgarinë. Mendoj se ne, në këtë grup, gjetëm motrat tona shpirtërore. Personat e grupit “Bullgarë” janë familja ime e dytë. Klima dhe marrëdhëniet miqësore që na lidhin janë unike. Dhe po, ne shpenzojmë kohë dhe para, dhe madje shumë, për të jetuar me folklorin bullgar në mbarë botën!”.

Së bashku me disa bashkatdhetarë të tjerë jashtë shtetit, në vitin 2019 Sonja organizoi Festivalin e Parë Gjithbullgar të shoqërive, shkollave dhe grupeve bullgare për folklorin vendas, i cili u mbajt në Melburn. Festivali mblodhi së bashku dhjetëra kërcimtarë bullgarë nga e gjithë Australia dhe Zelanda e Re në një skenë. Në vitin 2022, me rastin e 50-vjetorit të vendosjes së marrëdhënieve diplomatike midis Bullgarisë dhe Australisë, u zhvillua në Melburn edicioni i dytë i Festivalit Gjith-Bullgar. Ndërkohë Sonja dhe bashkëmendimtarët e saj nga “Bullgarë” nuk reshtin së shëtitjet nëpër kontinent dhe promovimin e atdheut të largët.

Jemi kaq të zënë, sa nuk mund ta imagjinoni! Ka muaj ku çdo fundjavë kemi një performancë. Këto janë katër të shtuna dhe të diela, ndonjëherë një e premte nëse jemi jashtë Melburnit. Fluturojmë, paguajmë hotele ose udhëtojmë për 8-10 orë me makinë, vetëm për të dalë në skenë dhe për t'i treguar shoqërisë multikulturore australiane vallet, kostumet, ritualet, zakonet tona të mrekullueshme, të bukura bullgare... Përveç kësaj, grupi folklorik "Bullgari merr pjesë çdo vit në Festivalin Kombëtar Multikulturor, i cili zhvillohet në kryeqytetin Kanbera. Në edicionin e sivjetshëm përsëri prezantuam Bullgarinë dhe kjo ndodhi të premten në mbrëmje në kohën më të ndjekur me një program 40-minutësh, pa u ndalur, në skenë rreth 30 veta, 10 prej tyre fëmijë”, tha në përfundim Sonja Arabaxhieva.

Përgatiti në shqip: Kostandina Bello

Fotografi: Arkiv i Sonja Arabavhieva




Последвайте ни и в Google News Showcase, за да научите най-важното от деня!

Më shumë nga rubrika

Festa e Trifon Krasitësit sjell humor të mirë dhe gëzim

Festa ortodokse për nder të Shën Trifonit kremtohet më 1 shkurt sipas stilit të ri. Në kalendarin folklorik kjo festë përbën një cikël prej 3 ditësh radhazi - 1, 2 dhe 3 shkurt, të quajtura Trifunci. E quajtur nga populli ynë Trifon Zarezan –..

botuar më 25-02-01 7.20.PD

Për Surva në Ellovdoll

Të gjitha ritualet bullgare të maskaradës e kanë origjinën nga rituali koleduvane dhe lindja e diellit në Janar. Me adoptimin e krishterimit, për të mos hedhur hije mbi Zotin e porsalindur, zakoni filloi të zbehej. Në Bullgarinë Perëndimore, në kohën kur..

botuar më 25-01-23 7.30.PD
Foto: Qendra kulturore

Sekretet e hallvës së bardhë dhe si një ëmbëlsirë ruan zakonet e vjetra bullgare

Hallva, ky tundim i ëmbël me shije orientale, është i mirëpritur në tryezën tonë, sidomos gjatë festave. Duke gjykuar nga përshkrimet e udhëtarëve perëndimorë, hallva ishte një ëmbëlsirë e zakonshme në tokat bullgare që në shekullin e 16-të . Hallva e..

botuar më 25-01-18 9.10.PD