Pothuajse një vit pas suksesit të këngës së tij të mëparshme "Të mos të dua", Boris Iliev realizoi "Ti je Dielli, unë jam Hëna" me muzikë dhe tekst të Vida Pironkovës.
Autorja pranon se teksti, i mbushur me metaforë të buta dhe simbole lirike, i kushtohet të shoqit. Dhe jo rastësisht ajo zgjodhi pikërisht Boris Iliev për të rikrijuar emocionin me zërin e tij: "Boris është një nga këngëtarët më elegantë të skenës muzikore. Më bën përshtypje talenti i tij, karizma natyrale që kullon, estetika me të cilën e mbush çdo këngë nga nota e parë deri në të të fundit."
Boris Iliev tregon se si Vida Pironkova ia prezantoi këngën:
"Ndoshta tri vjet më parë, ajo më tha: "Unë kam një këngë për ty që mendoj se do të të pëlqejë shumë". Nga ardhja e saj në shfaqjet e mia ajo e di se çfarë lloj muzike më pëlqen – kryesisht baladat. Shkova në studion e saj, dhe ajo interpretoi këngën me tekstin në shoqërim të pianos. Vetë teksti ishte shumë i bukur. Me Ivan Jordanov - Çeri bëmë aranzhimin në studio. Ivelin Atanasov luajti në piano, që ishte sërish ideja e autores. Çdo këngë ka kohën e saj dhe më 30 nëntor e publikuam për të kënaqur të gjithë dëgjuesit."
Përgatiti në shqip dhe publikoi: Svetllana Dimitrova
Festivali muzikor Breeze by Exit do të mbahet në qytetin tonë të Detit të Zi, Varna nga 15 deri më 18 gusht. Forumi muzikor është bashkim i dy festivaleve - EXIT (Serbi) dhe Breeze (Bullgari), dhe edicioni pilot do të quhet "Varna Breeze by Exit"...
Pesë muzikantët e grupit vokal "Spektrum" - Spectrum Vocal Band - janë ndër ata që nuk pushojnë së na mahnitur me mundësitë e pafundme të zërave njerëzorë. Ivelina Coneva, Vesella Morova, Konstantin Bejkov, Janko Jankov dhe Daniell Nikollov kanë..
Pas suksesit të padiskutueshëm të koncertit - spektakël "Përgjithmonë" në sallën Nr.1 të Pallatit Kombëtar të Kulturës (NDK) vjeshtën e kaluar, fansat e Jordanka Hristovës sot do të kenë mundësinë të shijojnë edhe një herë këngët e paharrueshme të..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re..