Konkursi i Radios Kombëtare Bullgare (BNR) për Këngën e Re Bullgare "Pranvera" u mbajt për të 55-tën herë. Që nga fillimi i tij në vitin 1970, ky forum muzikor stimulon vazhdimisht autorët dhe interpretuesit vendas për të krijuar muzikë të re. Çmimet e konkursit janë disa - Çmimi i Madh, Çmimi i Dëgjuesve, Çmimi për Debutim dhe Pjesëmarrja në Festivalin "Eurosonik" në qytetin holandez Grjoningen.
Të dalluarit e këtij viti do të shpallen në një koncert më 30 maj. Atëherë do të bëhet i qartë edhe fituesi i kategorisë “Eurosonik”. Organizatorët e festivalit më të madh evropian për muzikën bashkëkohore pop dhe rok - "Eurosonik" zgjodhën tashmë mes disa kandidatëve vendas, se kush do të përfaqësojë vendin tonë në Grjoningen të Holandës vitin e ardhshëm. Interesi për të marrë pjesë në këtë festival është i madh, pasi ka përfaqësues evropianë, drejtues klubesh dhe mediash që anëtarësojnë në Bashkimin Evropian të Radios dhe Televizionit (EBU), pjesë e të cilit është edhe Radioja Kombëtare Bullgare.
Një vit më parë, grupi TRIGAIDA u zgjodh për të përfaqësuar Bullgarinë në Grjoningen. Emri është një fjalë e krijuar nga muzikantët e formacionit, duke kombinuar numrin e pjesëmarrësve me veglën popullore bullgare – gajde. Treshja e përbërë nga Asja Pinçeva - vokal, Georgi Marinov - Horhe - didxheridu dhe gajde dhe Ivan Shopov - elektronikë dhe produksion - prezantojnë folklorin bullgar në mënyrë unike përmes estetikës së tingullit elektronik.
Dëgjojmë "Dielli dridhet" nga albumi debutues “Ejani” i grupit “Trigajda” nga viti 2021.
Përgatiti në shqip dhe publikoi: Svetllana Dimitrova
Foto: BNR, Trigaida
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga viti 2017, kalaja "Hotaliç" është shndërruar në një skenë ku performojnë grupet vendase të rock-ut...
Me këngën “Momente” po shkojmë në breg të detit me Nikollën dhe Lindën, të cilët këndojnë për momentet e tyre të vërteta. Nikolla Dimitrov është autor i tekstit dhe recitativit, bazuar në atmosferën gjatë muajve të verës në bregdetin bullgar të..
DeepZone Project vazhdon linjën në të cilën ata interpretojnë në një mënyrë të re këngët e njohura nga autorë dhe interpretues bullgarë. Këtë verë muzikantët prezantojnë një nga këngët më të dashura bullgare - "Ti", kënduar fillimisht nga Nina..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..