"Maqedonia e Veriut ende nuk ka miratuar ndryshimet e nevojshme kushtetuese për të përfshirë në kushtetutë qytetarët që janë pjesë e kombeve të tjera, siç janë bullgarët". Kështu thuhet në një raport për zgjerimin e BE-së, të prezantuar nga Komisioneri Evropian për Zgjerim, Oliver Varhelyi, dhe Përfaqësuesi i Lartë për Punët e Jashtme, Josep Borrell.
Maqedonia e Veriut është angazhuar që këto ndryshime t'i bëjë në përputhje me konkluzionet e Këshillit të BE-së nga korriku i vitit 2022, por shumica e nevojshme prej dy të tretave për këtë ndryshim nuk u arrit në parlament, kujton dokumenti, njoftoi korrespondentja e BNR në Bruksel, Angelina Piskova. Në preambulë, përveç bullgarëve, duhet të përfshihen edhe pesë kombësi - kroatët, malazezët, sllovenët, hebrenjtë dhe egjiptianët. Një pjesë e romëve në vend përkufizohen si egjiptianë.
Raporti thekson se nevojiten përpjekje të mëtejshme për të nxitur një atmosferë dialogu dhe respekti të ndërsjellë midis palave. Komisioni kritikon gjithashtu fqinjin tonë perëndimor për ngrirjen e ndërtimit të Korridorit Nr. 8, ndonëse vlerëson se ka arritur një nivel të mirë përgatitjeje në fushën e rrjeteve trans-evropiane të transportit. Puna në korridor ka përparuar, por faza e tretë e projektit në Kriva Pallanka, në kufirin me Bullgarinë, është ndërprerë nga autoritetet kombëtare.
Lexoni më tepër nga arkivi ynë:
Sipas presidentit bullgar Rumen Radev, qeveria nuk është e vetëdijshme për interesin kombëtar të Bullgarisë në lidhje me Republikën e Maqedonisë së Veriut gjatë rrugës së saj drejt Bashkimit Evropian. Kreu i shtetit komentoi raportin e miratuar këtë..
Komisioni i Punëve të Jashtme i Parlamentit Evropian miratoi me 40 vota "pro", 19 "kundër" dhe 10 "abstenime" projektraportin mbi progresin e Republikës së Maqedonisë së Veriut në rrugën e integrimit të saj në Bashkimin Evropian. Të gjitha..
Lajmi për sulmin e përgjakshëm ndaj kishës ortodokse “Shën Profeti Ilija” në periferi të Damaskut, i kryer më 22 qershor 2025, tronditi thellë komunitetin ortodoks në Bullgari dhe ngjalli reagime të ashpra kundër dhunës ndaj bashkësive fetare paqësore..