Një forum u mbajt në klubin e shtypit të Agjencisë Telegrafike Bullgare (BTA) në Bosilegrad të Serbisë, i provokuar nga përpjekjet për ta imponuar të ashtuquajturin "komb i shopëve" (shopët janë një grup etnografik që banon në pjesët perëndimore të Bullgarisë, Serbisë Lindore dhe në pjesën verilindore të Maqedonisë së Veriut me identitet kombëtar bullgar, serb ose maqedonas - shënimi i redaktorit) në Krahinat Perëndimore (rajonet kufitare juglindore të Serbisë me popullsi bullgare – shën. red.). Në diskutim morën pjesë deputetë, diplomatë dhe përfaqësues të komunitetit akademik nga Bullgaria.
Kryetari i Komisionit për politikat për bullgarët jashtë vendit, Stojan Tesllakov, i dorëzoi donacione Qendrës Kulturore dhe Informative dhe Shoqatës “Gllas Pres” dhe theksoi se Sofja nuk duhet të jetë indiferente ndaj çështjes së të ashtuquajturit "komb i shopëve".
Deputetja Elisaveta Bellobradova vuri në dukje se rasti lidhet me nevojën për një politikë të synuar ndaj vendeve fqinje të Bullgarisë, të cilat nënçmojnë pakicën bullgare në territoret e tyre. "Shteti bullgar duhet të nisë një politikë të synuar për të afirmuar të drejtat dhe ekzistencën e bullgarëve në vendet fqinje," kërkoi Bellobradova.
“Problemi është serioz dhe pas tij qëndron vetë shteti serb”, tha konsulli ynë i përgjithshëm në Nish, Dimitër Canev. "Ka një proces të intensifikuar në media, në konferenca shkencore dhe simpoziume. Në përgjithësi, ekziston një makinë propagandistike që po punon seriozisht mbi këtë temë," shtoi Canev.
“Në mediat serbe shkruhet ose keq, ose asgjë për Bullgarinë dhe ky është një postulat dhe qëllimi është asimilimi i popullatës bullgare”, tha gjithashtu Canev. Ai shtoi se i ashtuquajturi “komb i shopëve” si eksperiment “është pëlqyer pas sukseseve në çrrënjosjen e vetëdijes bullgare në Maqedoninë e Veriut”, si dhe imponimit të një gjuhe “që është autentike prej shekujsh”. Sipas tij, i njëjti model është duke u kopjuar dhe testuar në Krahinat Perëndimore.
Mendimi i përgjithshëm ishte se bullgarët në anën tjetër të kufirit nuk kanë nevojë për postulate dhe për një goditje pas shpine, por për një ndihmë të vërtetë. U shtrua edhe çështja e mundësisë së pjesëmarrjes së bashkatdhetarëve tanë jashtë vendit me një kuotë të vogël në Kuvendin Kombëtar, transmeton BTA.Lexoni më tepër:
Skandal me subvencionet bujqësore të BE-së trazon ujërat në Greqi Qeveria greke vendosi të mbyllë Organizatën për Pagesa dhe Kontroll të Subvencioneve Komunitare (OPEKEPE), e cila ishte përgjegjëse për dhënien e subvencioneve bujqësore në vend,..
Kuvendit Popullor miratoi një vendim unanim mbi përparimin e Republikës së Maqedonisë së Veriut në procesin e anëtarësimit në BE. Deputetët treguan se presin që, në zbatim të Konsensusit Evropian të vitit 2022, Republika e Maqedonisë së Veriut të..
Partia Vëzrazhdane këmbënguli në një deklaratë për një reagim nga Ministria e Punëve të Jashtme mbi rastin Dragi Karov dhe për mbrojtjen e bullgarëve në Maqedoninë e Veriut. Deklarata u lexua nga foltorja e parlamentit nga kryetari i..
Bullgaria do të vazhdojë të mbështesë integrimin evropian të Shqipërisë, e cila dëshmon se mund të zbatojë me sukses reformat në emër të së ardhmes..
Shoqata "Pasardhësit e refugjatëve dhe të shpërngulurve nga territori i Maqedonisë së Veriut" i dërgoi një letër institucioneve të Bashkimit Evropian..
Pjesërisht me re
Mot i kthjellët
Vranësira të dendura
Vranësira të ndryshueshme mundësi për reshje shiu