“Për Bullgarinë, çdo ditë është 24 maj. Por nuk ka asgjë më të natyrshme dhe më të mirë se hapja e Panairit Pranveror të Librit në ditën e tretë të festës më të ndritur bullgare”, tha nënpresidentja Ilijana Jotova. Panairi i 17-të i Librit në Sofje do të zgjasë deri më 1 qershor. “Në shekullin e 21-të, kur inteligjenca artificiale guxon të shkruajë letërsi, duke lexuar një libër, ke shumë më tepër njohuri, mund të mendosh, të dallosh të mirën nga e keqja dhe mbetesh përtej kontrollit të atyre që me keqdashje duan të të kontrollojnë”, tha nënpresidentja.

Ministri i Kulturës Marian Baçev vuri në dukje se programet e ministrisë për financimin e autorëve dhe botuesve janë jashtëzakonisht të rëndësishme, në mënyrë që gjithnjë e më shumë tituj të rinj nga të gjitha zhanret të arrijnë në rajonet më të largëta të vendit dhe te bullgarët në mbarë botën. "Në mënyrë që autorët bullgarë, falë përkthyesve të tyre të talentuar, të mund të flasin në të gjitha gjuhët e botës."

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BGNES