Në verën e vitit 2025, pritet një interes rekord për kampet e fëmijëve në Bullgari, tregojnë të dhënat nga platformat turistike. Ka dy tendenca kryesore në muajt e ardhshëm. Nga njëra anë, është në rritje kërkesa për kampe aventureske aktive me fokus në përvetësimin e aftësive praktike në natyrë dhe detoksifikimin dixhital të fëmijëve është në rritje. Nga ana tjetër, interesi për të ashtuquajturin workation (nga anglishtja workation, ose "work" - punë + "vacationa" - pushime) është në rritje, në të cilin prindërit punojnë nga distanca nga fshatrat turistike ose shtëpitë e mysafirëve në male, ndërsa fëmijët e tyre marrin pjesë në aktivitete të organizuara në vend.

Në Rodopet Lindore, Mihaella Kirçeva dhe bashkëshorti i saj drejtojnë kampe për fëmijë prej 20 vitesh. Ata kanë dy baza: një shtëpi mysafirësh në digën “Studen Klladenec” dhe një fermë tërheqëse në fshatin Tënkovo. Mihaella flet për konceptin dhe aktivitetet e organizuara për fëmijë:

"Sa herë që fëmijët vendosen në kushte të ndryshme nga ato në qytet dhe në jetën e tyre të përditshme, ata mësojnë shumë më tepër për veten dhe të tjerët. Kampet tona zhvillohen pa telefona. Fëmijët kanë vetëm një orë në ditë për të folur me prindërit e tyre. Pjesën tjetër të kohës ata i kushtohen plotësisht aventurave, të mësuarit të ngisnin kajak, windsurf, biçikletë... Ne i vëzhgojmë zogjtë, kemi një ornitolog koleg që vjen nga qyteti Haskovo për t'u treguar atyre llojet e zogjve në zonë."

Theksi është te puna në grup, si dhe te aktivitetet fizike - ngjitja në majë në zonën e mbrojtur "Jumruk Skalla" dhe fortesën Monjak, lundrimi me kajak përgjatë gjireve të digës "Studen Klladenec", vëzhgimi i jetës së egër etj.

"Dhe gjithçka bëhet në formën e një loje", thotë Mihaella. "Mos e imagjinoni se është një lloj leksioni i mërzitshëm. Përkundrazi, është mjaft argëtuesе, paraqitur me humor. Fëmijët mezi presin të vijnë në kampin tjetër, e kështu me radhë për vite me radhë. Disa prej tyre vijnë tek ne çdo vit. Kemi fëmijë të rritur, 13-14 vjeç, të cilët, për shembull, na kërkojnë të organizojmë një kalërim për ta vitin tjetër."Shumica e fëmijëve që vijnë tek ne janë me prindër që udhëtojnë shpesh. Ata janë të hapur ndaj botës, vijnë nga familje inteligjente dhe disi më të pasura."

Paralelisht me këtë model, po fitojnë forcë edhe të ashtuquajturat pushime pune familjare. Milena Vusheva, një menaxhere klientësh në një platformë të madhe turistike, shpjegon se kohët e fundit shumë shtëpi pritjeje ofrojnë aktivitete paralele për të vegjlit, ndërsa mami dhe babi punojnë nga distanca nga dhoma ose në kopsht sipas parimit të workation:

"Ndërsa punoni, fëmijët argëtohen dhe mësojnë në një mënyrë interesante, dhe prindërve u ofrohen gjithashtu kushte shumë të mira. Shumë shtëpi pritjeje me pishina, xhakuzi etj. zhvillojnë këtë lloj turizmi. Gjatë kësaj kohe, fëmijët mund të shkojnë për të hipur në kalë si një shërbim shtesë që paguhet. Për shembull, në disa vende organizohet një MasterChef për fëmijë. Fëmijët lihen të gatuajnë brumin ose të bëjnë vetë sallata frutash, u mësohet se si të përgatisin ushqim të shëndetshëm me produkte organike. Ose njihen me jetën rurale."

Kampe verore me aventura në natyrë dhe një pushim dixhital larg telefonit, pushime të shkurtra familjare me lojëra në natyrë ndërsa mami dhe babi punojnë nga distanca, ditë të qeta në fshat me gjyshërit ose… një verë në qytet para kompjuterit — pushimet verore të nxënësit bullgar mund të duken në çfarëdo mënyre. E gjitha varet nga buxheti familjar dhe nga dëshira jonë për të relaksuar gjatë muajve të gjatë dhe të nxehtë.

Lexoni më shumë në arkivin e Radio Bullgarisë:

• Nuk është thjesht një bujtinë, por një përvojë interaktive - turizmi rural tek ne është në zhvillim e sipër

• Nga Rodopet në skenën globale – fshati Levoçevo si një qendër për nomadët digjitalë

• Bujtinat buzë liqenit, vendpushimet spa dhe fshatrat etnografikë janë hit gjatë pushimeve

Përgatiti në shqip dhe publikoi: Vesella Mançeva

Foto: Ferma Diellore