Një lëndim i rëndë çoi në tërheqjen e të vetmit bullgar në elitën e tenisit, Grigor Dimitrov, nga ndeshja e 1/8 së finales ndaj Jannik Sinner në turneun e "Wimbledon", pas një loje fantastike. Bullgari e braktisi fushën emocionalisht i shkatërruar, pasi ishte shumë afër njërës nga fitoret më të shkëlqyera të karrierës së tij – ai po kryesonte me 6:3, 7:5 (2:2 në setin e tretë) dhe ishte vetëm një hap larg kualifikimit të tij të dytë në çerekfinalet e Kampionatit të Hapur të Britanisë në tenis.
Dimitrov kishte mundësinë të arrinte edhe fitoren e dytë në karrierën e tij ndaj një numri 1 në botë, por për shkak të lëndimit në muskujt e kraharorit të djathtë, ai mbetet vetëm me atë fitore ndaj Novak Djokoviç në Madrid, në vitin 2013, kujton faqja sportive sportal.bg.
"Grigor është një lojtar i jashtëzakonshëm dhe të gjithë e pamë këtë sot. Kurrë nuk do të dëshiroja një fitore të tillë, por për fat të keq u bë realitet", tha Sinner, i cili përfundoi me fitore zyrtare pas tërheqjes së bullgarit për shkak të lëndimit.
Dimitrov arriti në ndeshjen me Sinner pas tri fitoreve radhazi – ndaj Yoshihito Nishioka, Corentin Moutet dhe Sebastian Ofner.
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: Reuters/Andrew Couldridge
Zëvendësministri i Rinisë dhe Sportit, docent Stojan Andonov, hapi Kampionatin Botëror të Gjimnastikës Ritmike për Vajza në Sofje. Më shumë se 370 gjimnaste nga mbi 70 shtete po garojnë deri më 22 qershor për vendet e para në sallën “Arena” në..
Kanë mbetur vetëm pak ditë deri në fillimin e një eventi sportiv të shumëpritur - Kampionati i tretë Botëror i Gjimnastikës Ritmike për Vajza, i cili do të mbahet nga 18 deri më 22 qershor në Arena Sofia. Programi i eventit është publikuar në faqen e..
Komiteti Olimpik Ndërkombëtar dhe Komiteti Olimpik Evropian do të punojnë dhe do të kontaktojnë vetëm me udhëheqjen e re të Komitetit Olimpik Bullgar, të zgjedhur në Asamblenë e Përgjithshme më 19 mars. Kjo u komentua për mediat nga Vesella Leçeva, e..