Në zonën “Karandilla”, mbi qytetin Sliven, më 23 gusht po mbahet Takimi i 32-të Kombëtar i Karakaçanëve në Bullgari. Ngjarja organizohet nga Federata e Shoqatave Kulturore dhe Arsimore të Karakaçanëve në Bullgari. Hapja zyrtare është në orën 10:30, ndërsa programi folklorik nis një orë më vonë. Ndër pjesëmarrësit janë grupe vallëzimi nga Bullgaria dhe Greqia. Takimi është një ngjarje vjetore, që synon të ruajë dhe promovojë zakonet shekullore, veshjet popullore dhe trashëgiminë muzikore të karakaçanëve.
Sot në Bullgari jetojnë rreth 20 mijë karakaçanë, me komunitetet më të mëdha në bashkitë e qyteteve Sliven dhe Karllovo.
Karakaçanët janë nomadë-barinj, që prej shekujsh kanë populluar Ballkanin. Jeta e tyre ka qenë e lidhur ngushtë me migrimin sezonal të tufave midis kullotave të dimrit dhe të verës.
Pas reformave socialiste në Bullgari në vitet 1950, ata u detyruan të vendosen në banim të përhershëm, ndërsa shteti nacionalizoi tufat e tyre.
Lexoni më shumë për karakaçanët në arkivin e Radio Bullgarisë:
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: BTA
Edicioni i tretë i festivalit "Mbrëmja e Kulturës së Bullgarisë - 2025" në qytetin e Durrësit, Shqipëri, u zhvillua në një atmosferë të mrekullueshme festive. Kjo u njoftua në Facebook nga Ambasada e Republikës së Bullgarisë në Tiranë. Valltarët nga..
Zemra dhe ritmi i shpirtit bullgar – me këto fjalë mund ta përkufizojmë në mënyrë metaforike Tubimin Kombëtar të Artit Popullor Bullgar. Tradicionalisht që nga viti i largët 1965, eventi organizohet një herë në pesë vjet në fundjavën e parë të gushtit..
Dashuria për folklorin bullgar bashkon turistë nga tre kontinente në një tur kulturor të rajonit të Silistrës. Një nga ndalesat për mysafirët nga SHBA-ja, Kanadaja dhe Australia, të tërhequr nga magjia e traditës bullgare, është fshati Profesor..