Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Hebrenjtë në Bullgari dhe në mbarë botën festojnë Vitin e Ri

Foto: alef-bg.org

Mbrëmjen e 22 shtatorit filloi Viti i Ri Hebraik – Rosh Hashana. Sipas kronologjisë së Torës, nisi viti 5786 nga krijimi i botës. Sipas besimit hebraik, në këtë ditë Zoti krijoi njeriun e parë, Adamin. Sipas traditës hebraike, në dhjetë ditët që pasojnë deri në festën e Jom Kipur – Dita e Shlyerjes së Mëkateve, i Gjithëfuqishmi hap “Librin e Jetës”. Bazuar në vlerësimin e veprave të njeriut gjatë vitit të kaluar, Zoti vendos cilët njerëz do të regjistrohen në Librin e Jetës për vitin e ri. Në dy ditët e para të festës, të gjithë shkojnë në sinagogë për t’u lutur për veten, për familjet dhe të afërmit e tyre, si dhe për atdheun. Nuk ka tryeza të zbukuruara, por përulësi dhe pendesë.

Me tingullin e bririt të dashit – shofar, që dëgjohet nga sinagogat, besimtarët thirren drejt pendesës dhe zgjimit shpirtëror. Sipas zakonit, deri më 24 shtator, hebrenjtë besimtarë shkojnë pranë ndonjë ujë të rrjedhshëm për të hedhur copa buke, duke simbolizuar në këtë mënyrë “larjen” e mëkateve të tyre.

Në tryezën festive, hebrenjtë vendosin molla me mjaltë, me dëshirën për një vit të mirë dhe të ëmbël. Molla është simbol i frytit të ndaluar dhe rënies në mëkat, ndërsa mjalti përfaqëson Tokën e Premtuar, ku “rrjedhin mjaltë dhe qumësht”. Në tryezë vendosen gjithsej shtatë pjata, të cilat lidhen me shëndetin, lumturinë dhe mirëqenien e familjes.

Mësoni më shumë nga arkivi ynë:

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: alef-bg.org



Последвайте ни и в Google News Showcase, за да научите най-важното от деня!

Më shumë nga rubrika

Ditët më të nxehta të verës lidhen me kultin ndaj zjarrit

Tre ditë në mesin e korrikut gëzojnë vëmendje të veçantë në kalendarin bullgar. Kjo është koha më e ngrohtë e vitit dhe populli ynë i quan me elokuencë 15, 16 dhe 17 korrik – Ditët e Nxehta ( Goreshtnici ). Në këtë mënyrë, paraardhësit tanë nderonin..

botuar më 25-07-15 5.55.PD

29 qershor - Dita e Sjenjtorëve Apostuj Pjetri dhe Pali

Më 29 qershor, Kisha ka vendosur të kremtojë njëkohësisht kujtimin e Apostujve të mëdhenj Pjetrit dhe Palit, të cilët ajo i quan "kryeapostuj të parë" dhe "mësues të gjithësisë". Të dy apostujt u përkushtuan shumë për përhapjen e Fjalës së Zotit,..

botuar më 25-06-29 12.45.MD
Janka Selimi me vajzën e saj Milena Selimi

Një jetë përkthyer në fjalë - Janka Selimi feston 90-vjetorin e saj

Një jetë mes librave, fjalëve dhe urtësisë – kështu mund të përshkruhet rrugëtimi i përkthyeses së njohur Janka Trifonova Selimi, e cila në moshën 90-vjeçare vijon të sfidojë kohën me pasionin dhe përkushtimin e saj ndaj letërsisë.  Janka Selimi..

botuar më 25-06-25 8.05.PD