Disa ditë para koncertit të saj të dytë të madh në Sallën 1 të Pallatit Kombëtar të Kulturës (22 tetor), Mihaellla Fileva prezanton këngën e saj të re "Kush është ajo?" me një videoklip argëtues në frymën e filmit të shkurtër. Kënga fillimisht është pjesë e albumit të këngëtares "96", por tani e dëgjojmë në një aranzhim të ri, vepër e Angell Prodanov - Aço dhe Veselin Cenov - Algoriddim. Tekstin e ka shkruar vetë Mihaella.

Ngjarja ironike tregon për padurimin e tre vajzave për të zbuluar se kush është gruaja që ia vodhi zemrën "beqarit më të dëshirueshëm". Mihaella shton: “Për mua, “Kush është ajo?” është një këngë për gëzimin e të jetuarit me lehtësi, me dashuri dhe pa u kapur pas asaj që thonë të tjerët për ty. Shpresoj që të gjithë ata që e dëgjojnë dhe e shohin videon të buzëqeshin më shumë, të bëjnë më pak thashetheme dhe të duan me guxim.”

Në videon, me regji të Pavlin Tabashkit dhe të xhiruar nga kameramani Viktor Dobrev, gjejmë një numër fytyrash të njohura - në rolin e "të dashurit të lagjes" është shkrimtari dhe prezantuesi televiziv Georgi Bllazhev. Dy nga komedianët e njohur në vendin tonë - Nikolaos Citiridis dhe Mihaill Stojanov - gjithashtu bëjnë paraqitje të shkurtra, por të paharrueshme.

• Heroi i Dopaminës" - Mihaella Fileva u dhuron fansave të saj një hit veror

• “Loti i fundit” i këngëtares Mihaella Fileva

• Me “Sipas zakonit” Mihaella Fileva bën një hap drejt albumit të saj të pestë

• Mihaella Filleva tregon historitë e veta “inkognito”

• Talente të reja muzikore: Mihaella Fileva

Përpiloi: Diljana Traçeva

Përgatiti në shqip dhe publikoi: Vesella Mançeva

Foto: Facebook/Mihaela Fileva, The Trackers, Ivo Baldzhiev