Raportohet një interes në rritje për faqen e re të “Bulgaria Wants You” vetëm një muaj pas lançimit të saj, njoftoi organizata. Mbi 10 000 përdorues të rinj janë regjistruar. Për krahasim, ky është numri i të gjitha regjistrimeve në faqe që nga krijimi i saj pesë vjet më parë deri në lançimin e versionit të ri. Kështu, numri i përgjithshëm i përdoruesve aktivë tashmë tejkalon 20 000.

"Këto shifra flasin vetë - platforma funksionon, njerëzit e përdorin atë dhe bizneset kanë akses të vërtetë në mijëra njerëz të motivuar. Me faqen e re, ne kemi arritur ta shndërrojmë “Bulgaria Wants You” në një ekosistem të gjallë që lidh njerëzit dhe kompanitë në një mënyrë natyrale dhe efektive", komentoi iniciativa, cituar nga BTA.

Platforma ruan modelin tradicional për gjetjen e një pune duke aplikuar për një njoftim, por gjithashtu shton mundësinë për kontakt të dyanshëm, i cili tashmë ka hapur horizonte krejtësisht të reja për dhjetëra punëdhënës, tha organizata. Kompanitë nuk presin që kandidatët t'i zbulojnë - ato kërkojnë dhe gjejnë vetë në mënyrë aktive talente të përshtatshme, duke përdorur sistemin intuitiv të kërkimit dhe komunikimin e drejtpërdrejtë nëpërmjet bisedës së integruar.

Lexoni më shumë rreth temës nga arkivi i Radio Bullgarisë:

• "Bulgaria Wants You" dhe nevoja emocionale e bullgarëve për t'u kthyer në atdhe

• Interes rekord për programin "Unë Zgjedh Bullgarinë" të drejtuar për bullgarët jashtë vendit

• Shumica e të rinjve tashmë e shohin zhvillimin e tyre JO jashtë vendit, por në Bullgari

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: Bulgaria Wants You