“Ideja për “Skenën e shekujve” lind gjatë vitit 1985 në lidhje me festimet kombëtare të 800 vjetorit nga themelimi i Mbretërisë së Dytë bullgare – tregon kryetari i bashkisë, Daniell Panov. – “Ivajllo” nga Marin Goleminovi ishte spektakli i parë, të cilin e paraqiti grupi i operës së Sofjes. Regjisor i tij ishte Pllamen Kartallov. Gjatë vitit 2008 festivali u rivendos në lidhje me 100 vjetorin e Pavarësisë së Bullgarisë. Që atëherë për vit në qytetin Veliko Tërnovo po zhvillohet kjo festë e artit të operës dhe të baletit. Në qiellin e hapur, në pallatin e kodrës Carevec çdo një spektator ka mundësi të shikojë shfaqjet në programin e “Skenës së shekujve”. Sivjet ngjarja është një pjesë e rëndësishme nga kandidatura tonë për Kryeqytet Evropian të Kulturës 2019. Për bashkinë tonë kjo është dhe një mundësi të zhvillojmë turizmin e festivaleve. Mes publikut tonë përsëri do të ketë miq nga Rumania, Greqia, Rusia, Izraeli, Anglia. Ideja është që kjo ngjarje kulturore të zhvillohet më tej, të dal nga kufijtë e 10 ditëve dhe të mund të zhvillohet gjatë gjithë muajit gusht. Projekti mbi të cilin po punojmë është i lidhur me bashkëpunimin midis festivaleve të operës në të hapur. Ne jemi iniciatorë të asociacionit të qyteteve, të cilat i mirëmbajnë forumet e ngjashme. Krahas me atë italian “Arena di Verona”, të tilla ka dhe në Stamboll, Tel Aviv, Savonlina në Finlandë e të tjera. Me disa nga organizatorët e tyre kemi lidhur kontakte. Jam i bindur se, kjo strukturë do të jetë një mundësi unikale të këmbejmë spektakle, zgjidhje origjinale prej regjisori dhe artistë.”
Skena e festivalit përsëri është e ndërtuar në një vend historik – Pallati i Mbretërve Bullgarë. Hollësira rreth “Skenës së shekujve 2014” mësojmë nga Cvetomir Bojaxhiev, drejtues i agjencisë turistike bashkiake “Carevgrad Tërnov”:
“Programi i sivjetshëm është i pasur – tradicionalisht ka 3 tituj, kurse tani ata janë 5. Më 2 dhe 3 gusht do të shikojmë “Madam Bëterflajin” pas kësaj kemi 2 mbrëmje baleti me “Zhizelin” dhe “Zorba grekun”, kurse gjatë ditëve të pushimit – 9 dhe 10 gusht do të paraqiten operat “Nderi fshatar” dhe “Xhani Skiki”. Ato luhen në Sofje gjatë një interesi të madh nga ana e publikut, shpresoj se dhe në Carevec do të priten mirë. Jashtë programit bazë të “Skenës së shekujve” u bë traditë të ketë dhe ngjarje paralele. Spektatorët mund të shikojnë dhe video të spektakleve nga edicionet e mëparshme të festivalit. Përsëri do të ketë takime të solistëve nga Opera e Sofjes me adhuruesit e tyre, që zhvillohen në Lapidariumin e Muzeut Arkeologjik në qytet. Theksi i programit shoqërues është i ashtuquajturi “vizitë prapa perdes”. Adhuruesit e këtij arti kanë mundësinë të shikojnë mbrapa perdes dhe të shikojnë si organizohen shfaqjet, të prekin kostumet dhe dekoret. Në ditët e festivalit sipas traditës tregojmë dhe shoun “Tingull dhe dritë”, e cila tanimë 30 vjet i gëzon banuesit dhe miqtë e qytetit Veliko Tërnovo. Periudha është e madhe, por pavarësisht nga kjo spektakli nuk ka humbur bukurinë e vet. Tërheqës dhe atraktiv për publikun, ai është kthyer në një emblemë të qytetit.”
Përgatiti në shqip: Nataniela Vasileva
Besnike ndaj stilit të saj karakteristik etno me një tingull bashkëkohor, Dimana Mirçeva, e njohur si DIA, na prezanton këngën e saj më të fundit - "Është vonë". Në të, këngëtarja dhe kantautorja bazohet në mesazhet e saj, si gjithmonë duke u mbështetur në..
Dita e Shën Valentinit zë një vend të veçantë në programin e Operës së Varnës. Pikërisht më 14 shkurt publiku do të ndjekë historinë e madhe muzikore të dashurisë për princeshën kineze Turandot, në operën me të njëjtin emër të Puccinit. Rolin e Princit..
Stenli e hap vitin me këngën e tij të re "Nëse është e nevojshme" - një këngë që do të përfshihet në albumin e tij të ri. "Nëse është e nevojshme" ka tingullin tipik modern të muzikës së stilit pop të këngëve të artistit të njohur dhe, si gjithmonë, bën..
"Një koncert me muzikë origjinale është një mënyrë e shkëlqyer për të festuar ditëlindjen," thotë me buzëqeshje një nga muzikantët më të shquar dhe..
Kënga "Dashuria dhe vera" u interpretua nga ylli i muzikës pop bullgare Jordanka Hristova në vitin 2023, disa ditë para 14 shkurtit. Si data, ashtu edhe..