Manastiri "Qefini i Nënës së Zotit" u themelua në vitin 1772 si një manastir murgeshash pranë Manastirit “Hilendar”. Gjatë dekadave manastiri u zgjerua me ndërtesa të reja të dhuruara nga vendasit. Në shekullin XIX manastiri u shndërrua në një qendër të veprimtarive të ndryshme arsimore. Rreth njëqind murgesha tashmë shërbenin në të në atë kohë. U hap gjithashtu një shkollë për vajza, ku ato mësoheshin për të lexuar, shkruar, kënduar etj.
Kisha e manastirit të Samokovit u ndërtua në 1837-39, kur daton edhe magernica. Disa nga ikonat në kishë janë vepër e ikonografit të njohur bullgar Dimitër Zograf, vëllai i Zaharij Zografit - një nga piktorët tanë më të shquar të Rilindjes, i cili gjithashtu ka lënë një krijim të tij në kishë. Supozohet se pikërisht Zaharij Zograf ka pikturuar “Shën Mëria Mbrojtësja me krahë”, ku Nëna e Zotit është paraqitur me krahë. Për krijimin e saj piktori është frymëzuar nga legjenda për shpëtimin e Samokovit nga ushtria osmane. Sipas legjendës Nëna e Zotit e ka mbuluar qytetin me një mjegull të dendur dhe kështu e ka fshehur atë nga sytë e pushtuesit.
Në ditët e sotme Manastiri i Samokovit është i hapur. Turistët shpesh ndalen këtu për të parë kishën dhe afresket e saj unike, ndezin një qiri dhe bisedojnë me murgeshat, të cilat tregojnë për historinë e trazuar të manastirit të shenjtë.
Do të mësoni më shumë për këtë oazë shpirtërore rrëzë malit Rilla nga artikulli "Jeta në lutje" nga koleksioni i Radio Bullgarisë.
Përpiloi: Veneta Nikollova
Përgatiti në shqip: Vesella Mançeva
Më 29 qershor, Kisha ka vendosur të kremtojë njëkohësisht kujtimin e Apostujve të mëdhenj Pjetrit dhe Palit, të cilët ajo i quan "kryeapostuj të parë" dhe "mësues të gjithësisë". Të dy apostujt u përkushtuan shumë për përhapjen e Fjalës së Zotit,..
Një jetë mes librave, fjalëve dhe urtësisë – kështu mund të përshkruhet rrugëtimi i përkthyeses së njohur Janka Trifonova Selimi, e cila në moshën 90-vjeçare vijon të sfidojë kohën me pasionin dhe përkushtimin e saj ndaj letërsisë. Janka Selimi..
Më 24 qershor, Kisha Ortodokse kremton me nderim të madh Lindjen e Shën Gjon Pagëzorit, i njohur në traditën popullore si Enjovden. Ky është një nga shenjtorët më të mëdhenj të krishterimit, i vlerësuar menjëherë pas Hyjlindëses Mari, si më i madhi..