Këtë vit shkollor, përveç klasave dhe korridoreve të rinovuara, shkollat i mirëpresin nxënësit me një risi që do t’ua lehtësojë përgatitjen – çantën digjitale. Kjo është një platformë online falas që u mundëson nxënësve nga klasa 1 deri në 12 të aksesojnë tekstet e tyre tërësisht online. Versioni i tyre në letër nuk bie, por mund të mos mbahet dhe kështu vërtetë të lehtësojë çantën e shpinës. Edhe pse është pjesë e digjitalizimit, që është një proces i pakthyeshëm në çdo sferë, çanta digjitale e shpinës shkakton diskutime edhe mes mësuesve. Sipas disave, është një mundësi e mirë që ia vlen të shfrytëzohet, ndërsa të tjerë janë ende skeptikë se sa i dobishëm dhe praktik është përdorimi i saj.
“Nga njëra anë, përmes saj plotësojmë nevojat e reja të gjeneratave që vijnë pas nesh, por nga ana tjetër, ndoshta po largohemi shumë nga ajo që mendojmë se funksionon për të mirën e nxënësve – tha mësuesja e historisë Violetka Stoeva në një intervistë për Radio Bullgarinë. – Kur diçka shkon para syve, përmes dorës, ne e dimë se psikologjikisht kjo funksionon jashtëzakonisht mirë për të mësuar.”
Krahas përmbajtjes së teksteve që tashmë është në dispozicion në platformën e re elektronike, çdo mësues mund të krijojë edhe përmbajtje që do të publikohet pasi të jetë shqyrtuar nga ekspertët.
Çdo shkollë ka të drejtën vet të vendosë se kush do të udhëheqë trajnimin e mësuesve në të – një mësues i teknologjisë së informacionit apo një ekspert i jashtëm.
Duke përdorur çantën shpine digjitale, nxënësit do të kenë qasje edhe në përmbajtje të personalizuara për secilin prej tyre, të përshtatura sipas njohurive dhe vështirësive të tyre. Megjithatë, a do të prezantohet kjo përmbajtje në mënyrë të qartë dhe mjaft të kuptueshme për nxënësit me nevoja të veçanta arsimore?
“Sinqerisht shpresoj që materialet t’u përshtaten edhe atyre, sepse sidomos nga klasa e 5-të e tutje jemi mjaft të ngarkuar dhe nuk u ofrojmë ndihmë të mjaftueshme fëmijëve me vështirësi intelektuale dhe vështirësi të tjera – pranon zonja Stoeva. – Ndonjëherë, të gjithë materialin që duhet të mësojnë është shumë për ta për ta trajtuar. Për mua, kjo është një nga detyrat më të vështira. Në një klasë me 25 apo 30 fëmijë, me një orë mësimore prej 40 minutash, nuk është aspak e lehtë të gjesh kohë t’i kushtosh vëmendje të veçantë të gjithëve.”
Praktika e saj si mësuese dhe në grup për organizimin е përditshëm të procesit mësimortregon se pavarësisht dëshirës së nxënësve për të përthithur sa më shumë material përmes pajisjeve të ndryshme elektronike, nuk është gjithmonë e dobishme për ta. Dhe del pyetja se sa do të jetë i mjaftueshëm shkrim-leximi i tyre digjital për të kapërcyer analfabetizmin funksional me të cilin po përballet sot arsimi në vendin tonë.
Për të qenë sa më e dobishme për nxënësit e saj të ardhshëm, gjatë vitit shkollor aktual, zonja Stoeva do të zhvillojë një takim me psikologen e shkollës, nga e cila do të kërkojë këshilla specifike për aspekte të ndryshme të punës së saj me fëmijët.
Përgatiti në shqip: Svetllana Dimitrova
Fotot: Freepik.com, prosveta.bg, edu.mon.bg, arkiv
Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv..
“48 orë Varusha-jug” mbahet në periudhën nga 16 deri më 18 gusht në qytetin Veliko Tërnovo. Festivali paraqet mundësitë e lagjes për kulturë, sport, aktivitete për të gjithë familjen, lidhje me natyrën, veprimtari edukative. Ngjarja është një nismë e..
Nxënësit e tri shkollave bullgare në Itali krijuan atlasin e parë të këtij lloji për vëllezërit e shenjtë Kirill dhe Metodij . Projekti realizohet në kuadër të Programit Kombëtar "Histori të patreguara të bullgarëve" të Ministrisë së Arsimit,..
Në Olimpiadën Ndërkombëtare të Astronomisë dhe Astrofizikës në Brazil, nxënësit bullgarë fituan pesë medalje, njoftoi Shoqata e ekipeve olimpike në..