Për herë të parë në 40-vjetorin e shfaqjes audio-vizuale “Çarevgrad Tërnovo – Tingull dhe Dritë” në kodrën Çarevec në qytetin Veliko Tërnovo, do të shfaqen të dy versionet e saj në të njëjtën ditë, njoftuan nga zyra e shtypit e administratës komunale. Përveç programit të njohur 16-minutësh, i cili është i njohur në mbarë botën, do të transmetohet edhe versioni origjinal i parë, që ushfaq vetëm disa herë në vitin 1985. Kjo do të ndodhë më 15 nëntor, dhe të gjithë banorët dhe vizitorët e qytetit Veliko Tërnovo do të mund ta ndjekin nga Sheshi “Mbreti Asen I” përpara fortesës mesjetare. Shfaqjet e mbrëmjes të së shtunës do të fillojnë me versionin e parë dhe do të vazhdojnë me variantin modern, i cili deri tani është parë nga mbi 7 milionë spektatorë nga 5 kontinente.
Data 15 nëntor nuk është zgjedhur rastësisht, sepse pikërisht në këtë ditë, 40 vjet më parë, muret e fortesës së Çarevecit u ndriçuan për herë të parë me drita, projektorë, lazerë dhe muzikë të fuqishme, duke treguar historinë e ngritjes dhe rënies së Mbretërisë së Dytë Bullgare.
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: BTA
Më 22 shtator 1908, me një manifest, princi Ferdinand I shpalli Pavarësinë e Bullgarisë dhe kështu u hodhën hapat e Mbretërisë së Tretë Bullgare. Ky akt nuk është bërë rastësisht në kishën "Shën 40 Dëshmorët" në kryeqytetin e vjetër Veliko Tërnovo: atje..
Më 17 shtator, Kisha Ortodokse Bullgare nderon kujtimin e martires së shenjtë Sofia dhe tre bijave të saj Besimi, Shpresa, Dashuria, të cilat vdiqën si martire të besimit në shekullin e parë pas Krishtit. Më 17 shtator përkujtojmë martirizimin..
Më 16 shtator, Muzeu Historik në Panagjurishte do të mirëpresë origjinalin e Thesarit të Artë të Panagjurishtes. Ky thesar unik do të ekspozohet në sallën e kasafortës së kompleksit të muzeut. Deri më 23 tetor, banorët e Panagjurishtes dhe..