Parlamenti ngarkoi Ministrin e Energjisë që të zhvillojë negociata me Ministrin e Energjisë të Ukrainës ose me përfaqësuesin e tij për shitjen e pajisjeve në kuadër të projektit të centralit atomik “Belene”. Vendimi u miratua me 155 vota “pro” dhe 57 “kundër”. "Pro" ishin nga GERB-SDS, “Po e vazhdojmë ndryshimin – Bullgaria Demokratike” (PP-DB), Lëvizja për të Drejtat dhe Liritë (DPS) dhe “Ka një popull të tillë” (ITN), dhe "kundër" – nga partia "Vëzrazhdane" dhe "BSP për Bullgarinë".
Sipas vendimit të miratuar, çmimi i shitjes nuk mund të jetë më i ulët se sa ka paguar Bullgaria për pajisjen - gati 1.2 miliardë leva / 600 milionë euro /. Është planifikuar që negociatat të zhvillohen brenda 60 ditëve nga hyrja në fuqi e vendimit. Ministri i Energjisë duhet të informojë Kuvendin Popullor për veprimet e ndërmarra dhe rezultatet konkrete të negociatave.
Me vendimin e sotëm (6 korrik), anulohet vendimi i mëparshëm i Kuvendit të datës 7 qershor 2018 për rifillimin e kërkimeve të mundësive për ndërtimin e centralit të Belenës së bashku me një investitor strategjik, mbi baza tregu dhe pa garanci shtetërore.
"Asgjë nuk do ta pengonte Ukrainën të përdorë paketën "Ndihma makro-financiare +" për blerjen e pajisjeve bërthamore nga Bullgaria." Kështu tha zëdhënësi i Komisionit Eric Mamer në përgjigje të një pyetjeje nëse vendi mund të përdorë ndihmën nga Evropa për këtë qëllim, njoftoi korrespondentja e BNR në Bruksel, Angelina Piskova. Mamer kujtoi se në kuadër të paketës, Ukrainës i jepen 1.5 miliardë euro çdo muaj dhe zëdhënësja Veerle Nuyts theksoi se kjo ndihmë synon të mbështesë bilancin e pagesave dhe të stabilizojë makroekonominë e vendit.
Diskutimi dhe votimi i ligjit më të rëndësishëm financiar në vend, pikërisht “Buxheti 2025”, u shty në Kuvend për vitin 2025. "Nëse nuk kemi një buxhet të miratuar deri më 19 janar, atëherë gjithçka do të ndalet në shtet. Edhe shkollat, edhe spitalet, edhe..
Sipas të dhënave paraprake, Ministria e Financave pret një deficit prej rreth 6.1 miliardë levash ose 3% të Produktit të Brendshëm Bruto të parashikuar në fund të vitit 2024. “Vlerësimet parashikojnë se deficiti do të tregojë një përmirësim krahasuar..
Përfitime të rëndësishme ekonomike priten për Bullgarinë (me popullsi 6.5 milion njerëz) dhe Rumaninë (19 milion njerëz), të cilat u bënë anëtarë të plotë të zonës Shengen. Sipas vlerësimeve, Produkti i Brendshëm Bruto (PBB) ka të ngjarë të rritet me të..
Analizat e ekspertëve të Konfederatës së Sindikatave të Pavarura (KNSB) tregojnë se rritja kumulative e inflacionit (e matur me indeksin e çmimeve të..
Mjegull
Pjesërisht me re
Vranësira të dendura